DIP SKAPE IN ’N JAPTRAP
Die outomatiese Baden Sensor-skaapstraaldipstelsel, wat deur Baden Ligte Staalprojekte van Caledon bemark word, kan tot 1 000 skape per uur dip. Vier liter dipstof word op elke skaap gespuit deur 19 spuitpunte, dus word geen deel van die dier oorgeslaan nie. Die skaap stap by die een kant in. Die sensors kom in werking wanneer die dier deurstap en skakel af nadat hy of sy anderkant uit is.