MENGER KERF HEEL BALE

Rovic Leers voer die reeks Samurai 5-voermengers van Seko in. Dié vertikale voermengers is beskikbaar met ’n vermoë van 5 m3 tot 30 m3 en as selfaangedrewe, stilstaande of sleepmodelle. Vergeleke met soortgelyke voermengers het Seko-mengers die laagste kragvereiste per m3. Dit is omdat die menger se sny- en mengaksie dit moontlik maak om materiaal na die middel van die menger te sirkuleer en sodoende ’n vinniger mengproses te kry teen ’n laer temperatuur deur nie die buitenste wande van die menger te gebruik nie. Seko-mengers kan hele ronde- of vierkantige bale hanteer. Die voermengsel sal gereed wees binne 20 minute tot 40 minute nadat die eerste baal in die menger ingevoer is. Mengtyd sal afhang van hoe fyn die voer gekap moet word. Hoe langer die kapsiklus, hoe fyner sal die voer in die mengsel gekap wees. Dit maak duur hamermeulaksies onnodig.