PLAASINLIGTING
Die THOMPSON-BOERDERY het ’n Richter-platformskaal wat deur Border Scales in Oos-Londen gediens word. Dit het ’n weegvermoë van sowat 12 ton en dieselfde oppervlakte as ’n 8 ton-vragmotor se bak. Die hele vrag op die vragmotor, byvoorbeeld 30 speenkalwers of 14 koeie, kan direk van die vragmotor af op die skaal klim. Dié digitale skaal weeg in intervalle van 5 kg en rond gewig af tot die naaste 5 kg. Dit is besonder akkuraat en sensitief en is onlangs met ’n drukker opgegradeer.
Norton sê alle vee wat op die plaas aankom of dit verlaat, word geweeg.
Dit is noodsaaklik om beheer te hê. Hy sê ’n familieboerdery moes onlangs vee verdeel. Eers is elke dier individueel geweeg. Daarna is die hele groep saam geweeg. Die skaal was telkens in die kol.
Norton koop speenkalwers vir Karan Beef, hoofsaaklik van boere in die distrik Komga. Wanneer ’n vrag gereed en geweeg is, word hulle gelaai. Hy sê diere verloor gewoonlik van hul liggaamsgewig tydens die vervoerproses. Hulle maak daarvoor voorsiening op grond van die afstand wat afgelê word.
Die boerdery besit ook die Glen GlydeBonsmarastoetery met 300 koeie. Alle diere word op kleiner skale op verskil- lende plase geweeg – met geboorte en speentyd en op 12 maande en 18 maande oud. Die koeie word ook geweeg.