SUBSIDIESTELSEL VIR NOORD-KAAPSE BOERE
Daadwerklike optrede met die bekampingvansiektesisnodigomdiegevolglike groot geldelike verlies in die veebedryf hok te slaan. Mnr. James Faber, voorsitter van die RPO Noord-Kaap, sê goeie vordering word gemaak met navorsing deur die Universiteit Stellenbosch oor geslagsiektes by kleinvee in hoofsaaklik die Noord-Kaap.
Die navorsers sal voortaan moontlik staatsveeartse en tegniese dieregesondheidspersoneel vergesel wanneer hulle ramme vir Brucella ovis toets. Faber het ’n beroep op skaaptelers en boereverenigings gedoen om hulle volle samewerking aan die projek te gee.
Volgens hom maak al hoe meer telers gebruik van die subsidie wat die RPO betaal wanneer ramme en bulle deur private of staatsveeartse getoets word. Die subsidie beloop R30 per ram wat vir Brucella ovis en vrugbaarheid getoets word en R300 per bul wat vir trichomoniase, vibriose en vrugbaarheid ondersoek word. Die RPO ondervind goeie deelname aan die subsidieskema uit veral in die droër westelike dele van die Noord-Kaap.
Die subsidieskema vir die toets van ramme en bulle is slegs in die Noord-Kaap van toepassing. Die provinsiale RPO het dié voordeel vir sy lede met die Noord-Kaapse Veeartsenydienste beding.
NAVRAE: Mnr. Dirk Krapohl, tel. 053 832 9595.