OOK IN AUSTRALIË PROBLEEM
Australiese skaapboere word aangemoedig om alle kudderamme jaarliks vir skaapbrucellose (ramsiekte) te ondersoek. Mnr. Patrick Kluver, navorser van die Livestock Biosecurity Network, ’n onafhanklike bedryfsinisiatief, sê dis noodsaaklikomaltydrammetekoopuit kuddes wat gesertifiseer is as vry van die siekte. Dié praktyk is egter sinneloos as jy reeds die siekte in jou kudde het.
Patrick sê ’n opname wat in 2010 in Suid-Australië gedoen is, het gevind dat sowat 22% van die kommersiële kuddes in die natter suid-oostelike deel metskaapbrucellosebesmetwas.“Asof dit nie skokkend genoeg was nie, was ál die betrokke boere heeltemal onbewus daarvan.”
Volgens hom is verlaagde vrugbaarheid een van die tekens van besmetting (afgesien van verhardings in die testikels), met boere wat daarvoor probeer vergoed deur die dektyd te verleng. Ander tekens sluit in futloosheid by ramme, ’n laer besettingsyfer by ooie, verlengde lamtye en ’n laer speenpersentasie. – ALAN HARMAN