Medewerkers
DR. VLOK FERREIRA (bl. 24) is die nasionale tegniese bestuurder vir herkouers by die veevoermaatskappy RCL Foods se dierevoer-afdeling, wat Molatek-produkte verkoop. PROF. HENNIE SNYMAN (bl. 26) is ’n weidingskundige verbonde aan die departement vee-, wild- en weidingkunde, Universiteit van die Vrystaat. Hy is onder meer bekend vir sy navorsing oor die bestryding van slangbos.
DR. DIETMAR HOLM (bl. 44) is verbonde aan die departement produksiedierstudies, fakulteit veeartsenykunde, Universiteit van Pretoria, en is ook voorsitter van die Herkouer-veterinêre Vereniging van
Suid-Afrika. HENDRIK VAN PLETZEN (bl. 77) is tegniese bestuurder by Voermol Voere. Hy het al verskeie eerbewyse vir sy werk ontvang, onder meer van Landbouskrywers SA. GERRIT VAN ZYL (bl. 42, 47) van Dewetsdorp is die eienaar van die HanzylBonsmarastoetery en is ’n gereelde rubriekskrywer vir Landbouweekblad. Hy word as een van die land se topbeesboere beskou en is al verskeie kere vereer. DR. JOHANN BREYTENBACH
(bl. 54) is sedert 2011 eenheidsbestuurder van die herkouerafdeling van MSD Animal Health nadat hy voorheen in verskeie hoedanighede vir Intervet gewerk het. Hy het ’n graad in veeartsenykunde aan die Universiteit van Pretoria verwerf. DR. BALTUS ERASMUS (bl. 56) was hoof van Onderstepoort Biologiese Produkte. Dié viroloog is betrokke by die maatskappy Deltamune en boer deesdae by Heidelberg, Wes-Kaap, met onder meer turksvye en avo’s.
DR. MICHAEL BRADFIELD (bl. 60) is ’n bekende in veekundige kringe, onder meer as hoof van Breedplan SA, maar skryf in sy persoonlike hoedanigheid. Hy lewer gereeld bydraes en rubrieke in
Landbouweekblad.
PROF. JOHAN WILLEMSE (bl. 94), is ’n bekende landbouekonoom en rubriekskrywer, ook vir
Landbouweekblad, wat verbonde is aan die Universiteit van die Vrystaat se departement landbou-ekonomie.
DR. WILLIE HARRIS (bl. 50) is ’n private veearts van Upington. Hy werk egter hoofsaaklik met produksiediere in ’n wye gebied in die Noord-Kaap.