VOORDELE

Intensiewe lamstelsels bied talle voorbeelde, volgens die boere met wie

Landbou Vee gesels het. Dit sluit in:

’n Mens het min grond nodig. Jy kan fyn beplan en vooraf weet wat jou uitgawes en inkomste gaan wees. ’n Agtmaande-lamstelsel en ’n hoër lam- en speenpersentasie beteken die boer kan meer wins maak, veral as hy nog waardetoevoeging ook doen. Droogtes het nie so ’n groot uitwerking op die voervloeiprogram soos by ekstensiewe boerderye nie. Verliese weens roofdiere en diefstal is minimaal. Siektes word tot die minimum beperk deur goeie higiëne te handhaaf. Hoewel sulke stelsels bestuursintensief is, is min werkers nodig.