MNR. WILLEM GROBBELAAR

WAT WAS DIE BESTE BOERDERYBESLUIT WAT JY GENEEM HET?

Om topgehalte fynwol vir ’n groeiende, eksklusiewe mark te produseer.

WAT IS DIE GROOTSTE FOUT WAT JY IN JOU BOERDERY GEMAAK HET?

Om te belê in vertakkings buite die boerdery waarvan jy niks weet en waaroor jy geen beheer het nie.

WAT IS DIE GROOTSTE GELEENTHEDE IN JOU BOERDERY?

Die huidige wêreldwye neiging tot ’n groener leefwyse, met die gepaardgaande nuwe markte vir fynwolprodukte, is ’n gulde geleentheid.

WATTER TEGNOLOGIE IS ONONTBEERLIK?

RFID Experts Africa se elektroniese oorplaatjies en skaal vir kleinvee vergemaklik dataverkryging en -verwerking vir die stoetery aansienlik. Die BenguFarm Sheep&Goat-sagteware help ook met die bestuur van die stoetery, die verwerking van data en die volledige byhou van inligting.