BESTUURSTRUKTUUR VAN ’N FAMILIE BOERDERY
Die Spekboomberg-boerdery word as ’n trust bestuur. Die trustees hou elke Maandag ’n vergadering om die week se werksaamhede te bespreek.
Elke seun het ’n spesifieke afdeling waarvoor hy verantwoordelik is, naamlik die saaiboerdery, melkery, die skape en die vleisbeeste. Trustees ontvang ’n gelyke salaris. Die boekhouding van die trust word deur mev. Sanria Jordaan behartig. Die skoondogters is nie deel van die trust nie.
Meningsverskille word tydens die weeklikse vergadering opgeklaar.
ál meer boere wat die waarde daarin sien om ’n groter hoeveelheid lammers van topramme in ’n korter tyd te kry. Daar is ook kommersiële boere wat deesdae hul ooie laparoskopies insemineer. Goeie teelramme kan met behulp van laparoskopie ’n groter impak en vordering in ’n stoetery of kudde teweegbring as wat voorheen moontlik was.”
Volgens hom het Ramsem al tot 2 300 kommersiële ooie met een top-Dohneram geïnsemineer. “Die boer moet egter vooraf seker maak dat so ’n ram wel goed teel en inligting, soos prestasietoetsing, gebruik. Met natuurlike paring sou gemiddeld slegs 80 ooie gedurende ’n jaar met een ram beset kon word. Dit beteken dat ’n boer wat laparoskopie toepas, kan bekostig om meer vir ’n topram te betaal.”
Volgens Fanie stel die tegniek en verdunningsmiddels wat hulle gebruik, ’n boer in staat om tussen 50 en 100 ooie per ejakulaat laparoskopies te insemineer. Hulle kon egter ook al tot 500 ooie op ’n dag met ’n enkele ram se vars saad insemineer. Die gebruik van vars saad is deesdae baie gewilder as toe laparoskopie die eerste keer in die land toegepas is.