MNR. PHILIP BARNARD

WAT IS DIE BESTE BESLUIT WAT JY AL IN JOU BOERDERY GENEEM HET?

Om ’n jaarlikse veiling van elke dragtige, sesjarige stoetkoei en tweejarige bul op die plaas aan te bied.

WAT IS DIE BESTE RAAD WAT JY AL GEKRY HET?

Hou jou skuldvlakke laag.

WAT IS DIE GROOTSTE FOUT WAT JY GEMAAK HET?

Ek het eenkeer vergeet om die saagsels voor ’n veiling nat te maak, wat gelei het tot ’n lelike ontploffing van stof toe die groot groepe verse inkom.

WIE WAS JOU MENTOR?

My vennoot in die Amerikaanse Mequatling-kudde, mnr. Glen Klippenstein. Benewens sy loopbaan as Republikeinse politikus was hy ’n leier op die gebied van veekunde wat met die vestiging van die GlenKirk-landgoed beeste, semen en embrio’s oor die wêreld heen verkoop het.

WAT IS JOU GROOTSTE GELEENTHEDE IN DIE BOERDERY?

Waardetoevoeging in die bedryf. Die Mequatling-stoetery is tans een van die grootste verskaffers aan die SA Angusgenootskap se veldtog van handelsmerkbemarking. Pick n Pay verkoop tans Certified Angus Beef, die suksesvolste gesertifiseerde handelsmerk vir beesvleis in Suid-Afrika.