VOOR­UIT­GANG DANK­SY WE­TEN­SKAP

Landbou Vee - - Bestuur -

Mnr. Mecki Schneider en sy vrou, B­ri­git­te, boer met wit Brah­ma­ne en Sim­men­ta­lers op die plaas O­ka­mu­tom­be by Groot­fon­tein in die noor­de van Na­mi­bië, as­ook op an­der pla­se. Hul­le het ook ’n groot, kom­mer­si­ë­le kud­de vir os­pro­duk­sie vir die vleis­uit­voer­mark na Eu­ro­pa en an­der lan­de.

Mecki het die gra­de B.Sc. en M.Sc. in e­lek­trie­se in­ge­ni­eurs-we­se aan die U­ni­ver­si­teit van Kaap­stad ver­werf, met die klem op toe­ge­pas­te wis­kun­de en fi­si­ka. Daar­na het hy by die Na­si­o­na­le Ver­snel­ling­sen­trum van die We­ten­skap­li­ke en Ny­wer­heids­na­vor­sings­raad (WNNR) in Suid-A­fri­ka ge­werk.

Uit­ein­de­lik moes hy kies tus­sen ’n loop­baan as we­ten­skap­li­ke (hy hom toe reeds vir ’n dok­tors­graad in­ge­skryf) en boer­de­ry. Boer­de­ry het ge­wen en hy het die fa­mi­lie­boer­de­ry in 1986 by sy pa, Gott­fried, oor­ge­neem.

Hoe­wel hy ’n be­lo­wen­de loop­baan as we­ten­skap­li­ke vaar­wel toe­ge­roep het, het dié ont­le­den­de grond­slag hom in s­taat ge­stel om van die be­gin af we­ten­skap­lik te boer.

Mecki is met soet­veld ge­se­ën — ’n goeie meng­sel van ver­skeie wens­li­ke gras­soor­te, soos swart­voet­jie ( Bra­chi­a­ria ni­gro­pe­da­ta), bor­sel­tjie­gras ( Ant­hep­ho­ra pu­bes­cens), blou­buf­fel­gras ( Cen­chrus ci­li­a­ris), smuts­vin­ger ( Di­gi­ta­ria e­ri­an­tha) en Era­gros­tis.

Bo­sin­drin­ging deur ver­al swart­haak is ’n groot be­drei­ging wat die veld se dra­krag in die groot­ste de­le van Na­mi­bië ver­laag. Ruim 36 mil­joen hek­taar wei­veld is reeds deur in­drin­ger­bos­se in­ge­neem. Dié bos­se ont­trek wa­ter aan die grond wat eer­der deur die weiding be­nut kon word.

Newspapers in Afrikaans

Newspapers from South Africa

© PressReader. All rights reserved.