KLUB HELP MERINO’S VERBETER

Die Smaldeel-Merinoklub waaraan die Lombards behoort, is in 1989 deur mnr. Geoff van Coller, tegniese adviseur van BKB, in die lewe geroep. Die doel was om’ n groep eendersdenkende Merinostoettelers met dieselfde visie, naamlik die teel van vrugbare Merino’s met ’n goeie bouvorm en goed gedefinieerde fynwol van ’n hoë gehalte, saam te snoer.

In die afgelope 28 jaar het die klub deur streng seleksiekriteria daarin geslaag om hierdie doelwit te bereik.

Tans bestaan die klub uit drie stoettelers, naamlik mnre. Geoff en Chris Hobson (Penderry-Merinostoetery), Van Niekerk-broers (Robertskraal- en Longwood-Merinostoetery) en Pyp en Anthon Lombard (Retreat-Merinostoetery).

Die lede besit saam sowat 750 stoetooie en hulle hou jaarliks ‘n gesamentlike ramveiling.