MASJIENE KAN NOU DIE WERK DOEN

1975 “Eerste masjien wat druiwe oes, kom in SA aan”, is dit in Landbouweekblad uitbasuin toe ’n Franse oesmasjien in 1975 in die Kaapstadse hawe aangekom het. Die masjien het destyds R50 000 gekos. Nog twee masjiene, uit Amerika, is terselfdertyd ingewag. Die masjiene sou daardie jaar by Riebeek-Kasteel, die Paarl en Rawsonville op die proef gestel word. Deesdae is dit natuurlik ’n algemene gesig om oesmasjiene in die Kaapse wynlande te sien.