| Hawens staan gereed
Die SentraalMosambiekse hawe Beira maak reg vir die grootskaalse invoer van mielies uit onder meer Mexiko en die Oekraïne om hongersnood in SuiderAfrika te verlig.
Volgens Cornelder de Mocambique Sarl, die bedryfsmaatskappy van die hawe, gaan ’n korting op hawetariewe toegestaan word vir ingevoerde mielies weens die maatskaplike nood wat deur die droogte veroorsaak is. Die meeste van die mielies is bestem vir Malawi.
Die hawe Nacala in die noorde van die land wat gewoonlik kommoditeite uit Zambië en die Demokratiese Republiek van die Kongo uitvoer, verwag om vanjaar meer as 300 000 ton mielies in te voer, wat ook vir Malawi bestem is.
Die Verenigde Nasies raam dat hongersnood tot 50 miljoen mense in die gesig staar weens die gevolge van die ergste El Niñoverskynsel nog. DAAR is ’n jagmark vir kleurvariante, sê die megawildboer mnr. Piet du Toit. Hy was die spreker op die onlangse veiling van die Bloodline-groep op Bela-Bela. Volgens hom is daar tans baie vrae in die wildbedryf en almal is op soek na antwoorde.
Du Toit sê sommige telers het in die afgelope tyd ernstig gekyk na maniere om waarde in sekere wildsoorte te ontsluit.
“Ons weet ons kan nie net aanhou teel met ’n kleur nie, ons moet iewers ’n jagmark kry.”
Hy sê die mark is oor die laaste paar weke getoets en vier swart rooibokramme is teen $6 000 (amper R92 000) en $8 000 (sowat R120 000) gejag. “Daar is dus ’n onderliggende jagmark. Gaan weeg dit op teen bees- en skaappryse. Dan sien ’n mens dat ons nog ’n goeie bestaan kan maak,” sê Du Toit.
Hy raai boere aan om die huidige verlangsaming van wildpryse te gebruik om goeie vroulike diere te bekom.
“Daar is deesdae baie telers, baie wild en baie veilings. Dit het mededinging in die mark teweeggebring, maar dit dwing alle verkopers om hul beste diere aan te bied,” sê Du Toit.