Mnr. Johannes Möller,
voorsitter van Agri SA, sê die organisasie verwelkom Mlengana se aanstelling, ofskoon hulle ook met die waarnemende direkteurgeneraal, mnr. Mortimer Mannya, oor die weg gekom het.
Hy sê Mlengana moet dit oorweeg om sy bestuurspan gereeld met die georganiseerde landbou te laat vergader ten einde “meer formeel oplossings vir die probleme op die tafel” te kry. Volgens Möller is Mlengana baie pragmaties en is dit wat die landbou nodig het.
Veral nou, met die droogte wat die landbou ’n erge knou toegedien het, is dit ’n moeilike tyd om die leisels oor te neem. Agri SA sal Mlengana ondersteun en die nodige bystand lewer sodat hy suksesvol kan wees.
Minister van Landbou, Bosbou en Visserye, sê Mlengana se kwalifikasies, werk en leierskap spreek vir hulself. Hy beskik oor uitgebreide leierskapservaring in die openbare en private sektor.
“Gedurende die onderhoude het Mlengana die onderhoudspaneel gewys dat hy uitstekende insigte en ’n diepgaande begrip van die landbou-, bosbou-, en visseryesektor as ’n geheel het. Dit behels die sektor se mandaat, dinamika en probleme, asook die gebiede wat dringend getransformeer moet word.”
Zokwana sê die onderhoudspaneel het eenparig besluit om Mlengana as direkteur-generaal aan te stel vanweë sy bevoegdheid en daarom het die Kabinet hierdie aanstelling onderskryf. – Beriggewing deur JOYLENE VAN WYK