Droëbone moet gekoester en beskerm word. Pannar Saad staan reg met kultivars wat ’n goeie weerstand teen siektes bied en hoë opbrengste lewer.
Die beste raad wat ’n boer van Lichtenburg aan ander boere wil gee, is dat hulle voorkomend moet optree wanneer dit by siektes en plae by droëbone kom. Doen hulle dit nie, kan dit te laat wees. Mnr. Marnus van Niekerk bedryf ’n gediversifiseerde boerdery op die plaas Rooipoortje in die distrik Lichtenburg in Noordwes. Hy boer met droëbone, mielies, sonneblom, koring, vleisbeeste, skape, melk en wild. Hy het vanjaar ’n besonder goeie oes met droëbone behaal.
PLANTTYD
Marnus het op 6 Januarie sy droëbone in rye van 90 cm onder besproeiing geplant.
Mnr. Ben Dunhin, Pannar Saad se verteenwoordiger in die omgewing, sê droëbone is gevoelig vir dagliglengte en daarom is die planttyd uiters belangrik.
Die bone moet in warm grond (verkieslik bo 18°C) geplant word. Dagtemperature van bo 30°C in die blomstadium kan aanleiding gee tot die afspeen van blomme en swak peulset kan ook ’n afname in opbrengs meebring.
Die ideaal is om in diep (minstens 90 cm) goed gedreineerde grond met ’n kleiinhoud van 1535% te plant. Bone versuip maklik in swak gedreineerde grond. Droëbone is ook gevoelig vir suurgrond, naamlik pH (H2O) 5,86,5 en pH (KCI) 4,85,5.
Dit is belangrik dat wisselbou toegepas word sodat droëbone net elke derde jaar op dieselfde land verbou word.
KULTIVARS
Marnus het die droëboonkultivars PAN 9292 en PAN 9213 om die helfte onder besproeiing geplant met ’n plantdigtheid van 57 kg/ha (ongeveer 142 500 sade/ha).
PAN 9292 rank nie hoewel dit onbepaald is, sê Ben.
“Dit is bekend as ’n regopgroeiende, onbepaalde kultivar. Dié kultivar het ’n goeie algemene siekteweerstand met ’n wye gebiedsaanpasbaarheid en verhoogde opbrengstabiliteit. Dit word ál gewilder in dié omgewing. Die graangehalte is uitstekend. Omdat die boon klein en rond is, bied dit ook beskerming teen meganiese beskadiging.”
PAN 9213 is baie stabiel met groter sade (ongeveer 2 350 sade/kg). Dit is bestem om LINKS: REGS: die gewildste veeldoelige droëboon in die Pannarpakket te wees.
Marnus het ’n rekordopbrengs van 3,96 ton/ha op 28,8 ha behaal. Rooi, gespikkelde suikerbone se prys wissel van R12 000R16 000 per ton. Volgens gerugte kan die prys later vanjaar veel hoër wees.
Marnus het ook die kultivar PAN 9216 geplant. Dit is die enigste droëboonkultivar ter wêreld wat rooi blomme het. Marnus sê dit is 1015 dae vinniger ryp as PAN 9292 en PAN 9213 en vorm ook groter sade (ongeveer 1 900 sade/kg). Gevolglik is dit belangrik dat die plantdigtheid tot minstens 78 kg/ha (148 000 sade/ha) aangepas word.
PAN 9216 hou die belofte in vir regstreekse stroop met ’n selfaangedrewe stroper omdat dit ’n onbepaalde groeiwyse met ’n uitstekende staanvermoë het.
Die kultivar het ook ’n goeie algemene siekteverdraagsaamheid met goeie weerstand teen roes, hoekige blaarvlek en boontjiemosaïekvirus. Hierdie kultivar het goed gepresteer in die nasionale droëboon en statistiese proewe.
Marnus sê dit is belangrik om die regte spuitprogram te volg om droëbone teen siektes en insekskade te beskerm. Aalwurmbestryding moet toegepas word omdat aalwurms jaar ná jaar in die grond oorleef en groot skade kan aanrig.
Ben sê droëbone het by fisiologiese rypheid ’n voginhoud van ongeveer 50%. Bone is egter eers oesgereed wanneer die voginhoud tot 16% gedaal en die peule tot geel verkleur het. Om oopspring te voorkom, is dit raadsaam om droëbone soggens vroeg uit te trek wanneer die dou nog nie verdamp het nie. 082 785 7503. 033 413 9500, infoserve@pannar.co.za.