SA MOET MEER DOEN AS ‘SMOUS’ IN AFRIKA

DIE res van Afrika is ’n belowende mark vir Suid-Afrika, maar as die land bloot al meer produkte op die kontinent gaan probeer smous sonder om ook te belê, gaan daar weerstand in dié markte ontwikkel, sê dr. Rob Davies, Minister van Handel en Nywerheid.

Hy het by die bekendstelling van ’n departementele eenheid genaamd Trade and Investment Africa (TIA) gesê sowat 30% van die land se uitvoer is reeds vir Afrika bestem, en die denkwyse agter die TIA is om handel deur belegging te bevorder.

Davies sê Suid-Afrika moet nie net oor handelsintegrasie in Afrika onderhandel nie, maar ook met sy handelsvennote saamwerk op die gebiede van nywerheidsontwikkeling en die skep van infrastruktuur.

TROPJAG

Sommige lande, soos Swede, het ’n organisasie wat, as daar ’n groot projek elders in die wêreld begin word, dié land se maatskappye nooi om die projek te bespreek, asook hoe hulle mekaar kan help, het sy gesê.

By die TIA se kantoor in Pretoria bied amptenare steun aan Suid-Afrikaanse ondernemings wat sake in die res van Afrika doen.

Dit bied ’n alles-in-een-diens waar al die steunprogramme van die departement op een plek beskikbaar is.

Luidens ’n inligtingstuk van die departement is een van die doelwitte om ’n nouer verhouding tussen die Regering en die private sektor te bewerkstellig sodat die uitvoeren beleggingsgeleenthede in Afrika benut kan word.

Die TIA sal hom toespits op mediumgroot tot groot maatskappye wat gereed is om uit te voer en wat Afrika as sleutelmark beskou.

GEDRAGSKODE