KOEJAWELS | Teelprogram brei uit na Wes-Kaap
Koejawelverwelksiekte is ’n groot probleem in die noordelike produksiegebiede van die land. Al hoe meer koejawelboere in daardie gebiede skakel daarom oor na ander produksie-vertakkings.
Omdat die Wes-Kaap nog altyd ’n belangrike koejawelproduksiestreek is, het die Instituut vir Tropiese en Subtropiese Gewasse van die Landbounavorsingsraad (LNR) op Nelspruit besluit om sy koejawelteelprogram, wat weerstandbiedende kultivars teen die siekte ondersoek, ook na die Wes-Kaap uit te brei.
Me. Salomie Willemse, woordvoerder van die instituut, sê tydens die seleksieprogram vir so ’n nuwe kultivar duik allerlei belowende seleksies op wat nie noodwendig weerstand bied teen verwelksiekte nie, maar wat wel goeie moontlikhede inhou om die interne gehalte van vrugte te verbeter. Daarom is reeds 36 van die seleksies op die LNR se proefplaas by Robertson gevestig om geëvalueer te word. Twee kommersiele kultivars, Fan Retief en TS-G2, is ook daar gevestig.
Sy sê ’n tweede klomp belowende seleksies gaan binnekort ook op die proefplaas gevestig word. Daar word beoog om twee koejawel-genebanke in die Wes-Kaap te vestig. Die doel van die genebanke is onder meer om kruisings te doen wat mettertyd tot ’n eie, volwaardige teelprogram vir die Wes-Kaap sal lei. – JOHAN COETSEE Mnr. Tiekie de Kok van Ceres Aartappels verwag dat die normale prysneigings waarskynlik die res van die jaar sal voortduur.
“Wat ons uit die bedryf verneem, is dat die normale aantal hektare en selfs
‘Ons almal, in ’n mindere of meerdere mate, dra nog aan die skade van 2015.’