Reusetree vorentoe met 84 punt-melktafel
Baanbrekerswerk is gedoen toe die eerste 84 puntmelktafel in die Suidelike Halfrond onlangs by ’n WesKaapse melkboer in bedryf gestel is. Dit is verstommend om dit in aksie te sien – dit draai byna geruisloos, koeie word aan minder stres onderwerp en die
In wat beskou word as die grootste deurbraak in melktafeltegnologie in die afgelope twee dekades is die 84 puntCentrus-melktafel onlangs by die melkboerdery Eensgezind geïnstalleer – die eerste in die Suidelike Halfrond en slegs die tweede ter wêreld. Mnr. Kobus Louw, ’n tweedegenerasiemelkboer van dié plaas by Klipheuwel naby Durbanville, sê die gehalte en tegnologie van die Nieu-Seelandse maatskappy Waikato is van só ’n aard dat dit waarskynlik dubbel die gebruikstyd sal hê as dié van ’n konvensionele melktafel. Hy boer saam met sy seun, Daniël, met sowat 900 Holsteins, wat elk drie keer per dag gemelk word.
Die totale koste beloop sowat R16 miljoen – R8 miljoen vir die struktuur en net soveel vir die bou en installering daarvan. Wat laat ’n melkboer besluit om só ’n moderne melktafel teen dié koste aan te skaf?
Kobus vertel sy oorlede pa, Wilhelm, het Eensgezind in 1962 gekoop nadat hy vóór dit reeds op ’n vorige plaas by Malmesbury Holsteins – destyds meer bekend as Friese – begin melk het.
“Soos alle melkerye destyds is met die hand gemelk. Toe het ons oorgegaan na die ou tandem-sespunt-melkstelsel, en toe na ’n 12 punt-visgraatmelkstelsel oorgeskakel. Nog later is ’n dubbele 12 punt-visgraatstelsel gebruik. Later is dit gemoderniseer met die 16 punt- (rapid-exit) visgraat-melkstelsel. Dit het beteken ons kon 32 koeie tegelyk melk.”
Intussen het die melkkudde gegroei tot sowat 900 Holsteins en selfs die 16 punt-stelsel