Ent moeë grond gesond
Uitgeputte grond kán danksy biologie weer optimaal presteer. Bykans elke groot chemiese landboumaatskappy het ’n mikrobiese arm. Nogtans is daar skeptisisme en onkunde oor die potensiële waarde van mikrobiese inokulante vir die boer op plaasvlak.
A1 s die Liewe Heer vandag besluit Hy haal al die bakterieë en swamme uit die grond, sterf ons almal môre, sê mnr. Theo Geldenhuys van die onderneming Bio-Farm Solutions (BFS) in George.
BFS vorm deel van ’n snelgroeiende bedryf, plaaslik sowel as internasionaal, waarin biomiddels gebruik word om plante nie net teen siektes en plae te beskerm nie, maar ook om groei te stimuleer en die rakhouvermoë en uitvoergehalte van die oes te verhoog.
Dit sluit in die toediening van sogenoemde mikrobiese inokulante, middels wat swamme en bakterieë bevat wat die biologie van uitgeputte grond kan stimuleer en aanwakker.
Die marknavorser MarketsandMarkets het in ’n onlangse verslag voorspel dat die wêreldmark vir biobemesting teen 2020 $1,88 miljard kan beloop, en van 2015 tot dan teen gemiddeld 14% per jaar gaan groei.
Die verskillende segmente van mikro-organismes wat in die verslag onder oë geneem is, is onder meer rhizobiums, azotobakters, azospirillums, sianobakterieë en mikoriza, wat fosfate help oplos.
RESULTATE DIE BEWYS
Theo, wat as konsultant op verskeie plase in veral die Wes- en Oos-Kaap werk, sê sy resultate en talle ander s’n bewys dat mikrobiese inokulasie siek grond kan genees, dit optimaal laat presteer en verdere siektes natuurlik onderdruk.
2
Net soos wat dokters deesdae as ’n standaardpraktyk probiotika saam met antibiotika vir hul pasiënte voorskryf, moet die mikrobiologie van grond waarop verbou word, aangevul word, sê Theo.
Hy stem saam dat alle biologiese produkte op die mark nie ewe goed presteer nie, net soos alle chemiese produkte nie ewe goed presteer nie.
“Ek is onafhanklik en soek volhoubare oplossings deur ’n holistiese benadering waarin vogbestuur, voeding en mikrobiologie gebruik word. Ek sê glad nie ons kan sonder gif klaarkom nie.
“Volhoubaarheid verg ’n gebalanseerde, holistiese houding waarin ons die kommersiële energie tot ons beskikking en die gronden plantenergie beter bestuur.
3