CRAIG SHEPSTONE JACQUES O’DELL
Oor die algemeen is die meeste konsultante gekant teen die gebruik van kalk om hokke te verf. Kalk is baie alkalies en redelik korrosief op sagte velletjies. Die pH van ’n varkvel is omtrent 4. Derhalwe is dit moontlik dat die kalk ’n kontak-dermatitis (velontsteking) kan veroorsaak.
Dit kan ook wees dat die letsels, wat soos bytmerke lyk, inderdaad bytmerke is en dat van die dominante varkies die ander byt in hul stryd vir speen-eienaarskap. Die bytmerke kan dan deur ’n bakterie sekondêr geïnfekteer word, wat in die rooi uitslag ontaard.
Daar is ’n welbekende toestand met die naam greasy pig disease, wat ontstaan soos jy beskryf het. Die gebruik van penisillien teen die aanbevole dosis vir drie dae gee dikwels uitstekende resultate. Doen navraag by jou veearts vir nadere ondersoek.
Varkpokkies is dikwels in die herfs ’n probleem en is dus ook ’n moontlike oorsaak. Dit Mnr. Craig Shepstone is van Wildlife Nutrition Services, en dr. Jacques O’Dell is verbonde aan die departement diereproduksiestudies in die fakulteit veeartsenykunde, Universiteit van Pretoria. kan ook ’n swaminfeksie wees. Verdere toetse is nodig vir ’n professionele diagnose.
Wat belangrik is, is dat die varkies volgens jou nie agteruitgaan nie. Deur net die geaffekteerde gedeeltes met ’n wondsproei of wondolie te behandel, kan jy goeie resultate bewerkstellig. Dr. Pieter Grimbeek is ’n praktiserende veearts. * * Soek jy ’n antwoord?
Landbou.com. Indeks van antwoorde navrae@landbou.com.