Eienaars van renosters hoop op wettige handel

Sonder ’n moratorium kan renosterhoring op ’n wettige en deursigtige manier van die hand gesit word sonder dat horings in die sluikhandel beland. Aan die een kant moet natuurlike hulpbronne bewaar word, maar aan die ander kant moet boere iets vir hul prod

Die volhoubare benutting van natuurlike hulpbronne is ’n beginsel waartoe me. Edna Molewa, Minister van Omgewingsake, en die Vereniging vir Private Renostereienaars (PROA) hulle onlangs opnuut verbind het.

Dit kom ten spyte daarvan dat SuidAfrika se renostereienaars meen die Regering laat hulle in die steek met sy besluit om nie in September op die vergadering van die konvensie oor internasionale handel in bedreigde spesies (Cites) aansoek te doen om die opheffing van die internasionale verbod op handel in renosterhoring nie.

“Die minister het die kabinet se besluit aan ons verduidelik. Hoewel ons nie met die siening saamstem nie, respekteer ons die minister se standpunt,” sê dr. Peter Oberem, ondervoorsitter van Wildbedryf SuidAfrika (WRSA).

Mnr. Pelham Jones, voorsitter van die PROA, sê hulle het wel op die vergadering ’n beroep op die minister gedoen om boere wat renosters op eie koste teen stropers beskerm, te beloon of op ’n manier te vergoed.

“Ons sien om na ’n derde van die land se renosterbevolking. Ons kan nie ’n sent uit ons diere verdien nie, want daar is ’n moratorium op handel wat die minister nie wil laat vaar nie.”

Die minister het haar nou tot die Grondwethof gewend nadat die Appèlhof die Regering se appèl teen ’n beslissing van die NoordGautengse Hooggeregshof dat die moratorium opgehef moet word, verwerp het. Renostereienaars hoop dat die Grondwethof ook sal vind dat die moratorium nie ’n geldige stuk wetgewing is nie.

“Ons het dit aan die minister duidelik gemaak dat ons dit as ons grondwetlike reg beskou om ons renosters volhoubaar te benut net soos wat dit ’n wolboer se reg is om sy skape te skeer en die wol teen ’n wins te verkoop,” sê Pelham. Private renostereienaars in Suid-Afrika besit omtrent ’n derde van die land se renosters en beskerm hierdie diere teen groot persoonlike risiko en koste teen stropers.

HANDELSPLAN VIR SA

Pelham sê renostereienaars het op ’n vergadering in Junie ’n mandaat aan die PROA gegee om die lewensvatbaarheid van ’n binnelandse handelstruktuur te ondersoek waar eienaarskapsertifikate verhandel word.

“Die model waarna ons kyk, behels dat renostereienaars die horings wat hulle oes, na ’n sentrale bewaargerief bring waar eienaarskapsertifikate aan hulle uitgereik word,” sê hy. Daardie sertifikate sal eintlik net ’n uitvloeisel van die regulasies oor bedreigde of beskermde diersoorte (Tops) vir die besit van die horing sal wees.

“Ons ondersoek die moontlikheid om dan met daardie eienaarskapsertifikate op die termynmark handel te dryf.”

Pelham bly hoopvol dat die internasionale verbod op renosterhoring uiteindelik opgehef sal word, maar sê dat die verhandeling van renosterhoring op termynmarkte intussen vir boere ’n manier sal bied om iets vir hul produk te verdien.

“As daar nie meer ’n moratorium is nie, sal dié stelsel ’n wettige en deursigtige manier