Wilde diere kry ook in droogtetye swaar. Hulle moet dus genoeg van die regte byvoeding kry, skryf Jaco Smit van Opti Feeds.
spesies verskil.
Die voedingsbehoeftes van diere word wetenskaplik in metaboliese kratte bepaal. In die geval van wild sal dit egter ’n moeilike én duur proses wees wat groot stres op die diere sal plaas. Tot dusver was dit nie haalbaar om dié diere se behoeftes te bepaal nie.
Die voedingsbehoeftes van wild in ’n intensiewe omgewing word afgelei van die behoeftes van vee: Die buffel word met die bees vergelyk, blaarvreters met bokke, kleiner wildsbokke met skape en die sebra met die perd.
Voeding en voedingstrategieë verskil natuurlik ook in die somer en die winter. In die winter het veld ’n lae voedingswaarde met die proteïeninhoud wat tot so laag as 2-3% daal. Dit is belangrik om te weet nie net die diere ly aan tekorte nie, maar ook die rumenmikrobes. Die mikrobes moet dus gevoer word sodat die beskikbare plantmateriaal optimaal benut kan word. Hierdie mikrobe-bevolking moet gehandhaaf word om te keer dat die dier kondisie verloor.
Wanvoeding het ’n groot impak op reproduksie. Vroulike diere hou op ovuleer wanneer hul kondisie onder ’n sekere punt val. Ovulasie hervat eers sodra hul kondisie herstel het.
In baie gevalle in die natuur en wildtuine kalf of lam ’n dier net een keer per jaar. Die diere se tussenkalfperiode kan met genoeg byvoeding gemanipuleer word om meer kalwers of lammers in ’n korter tydperk te lewer. Só is sewe swartwitpenskalwers elke ses jaar haalbaar, wat uiteraard geld in die boer se sak beteken.
MENGSELS
Die betrokke veevoerverskaffer moet die beste moontlike voormengsel, wat organiese sowel as anorganiese minerale bevat, gebruik. Die voormengsel moet ook die volgende insluit: 018 632 4053, 082 714 1348. BO: Spesifieke vitamiene, wat toegespits is op reproduksie, melkproduksie, horinggroei en gesondheid. Verbyvloeivette, wat help met haarkleed, vrugbaarheid en energieaanvulling. Verbyvloeiproteïene, wat help met melkproduksie, horinggroei en spierbou. Grondstowwe van ’n goeie gehalte kos geld, maar as die geldwaarde van die dier in ag geneem word, is die uitgawe aan die beste voer ’n klein opoffering om te maak.