Volg jou hond se spoor met slim halsband
Of ’n boer nou moet weet presies waar op die plaas sy getroue honde is, spoor moet sny of ’n steurende geblaf moet beperk, Garmin se tegnologie bied verskeie oplossings.
Honde wat saam met die wildboer werk, kan nou met satelliettegnologie nog meer van ’n aanwins op die plaas wees. Garmin het drie splinternuwe toestelreekse wat help met die opleiding en monitering van honde. Die drie stelsels het verskillende funksies wat onder meer honde se beweging deur middel van GPS-tegnologie volg en hulle help om ’n oormatige geblaf af te leer.
Vir die opleiding en bestuur van honde wat op ’n plaas werk of deel van plaasbeveiliging of spoorsnyspanne is, is hierdie GPS-halsbande ’n uitstekende hulpmiddel. Dit is ook baie nuttig vir jagters wat honde gebruik.
Twee hondehalsbande (groot en klein) wat vir monitering en afrigting ontwerp is, word gebruik saam met die Alpha 100- en die Astro 320-handtoestelle. In die geval van honde wat geneig is tot ’n onnodige en oormatige geblaf, kan die BarkLimiter™-halsband gebruik word. Die Delta-reeks is bedoel vir die opleiding van honde.
“Ons toestelle is gemik op die doeltreffende, veilige opleiding en monitering van honde. Die opsporingsfunksie help ook om ’n hond se presiese posisie vas te stel en om sy roete te volg,” sê mnr. Marc Bainbridge, bestuurder van Garmin SA se fiksheiden-buitelugafdeling. Al die halsbande in die reeks is duursaam, ten volle verstelbaar en in verskillende groottes vir verskillende honderasse beskikbaar. Dit is waterdig en van helder glimmateriaal gemaak. Die senders is liggewig, dog robuust en die batterye is herlaaibaar.
ALPHA EN ASTRO
Die Alpha 100-toestel kan tot twintig honde se roete en posisie volg en die Astro 320 ’n groep van tien honde. Dié handtoestelle wys op ’n skerm waar die honde hulself bevind. Dit word saam met die TT15- en die T5-halsbande gebruik. Wanneer hondehanteerders of patrollies saam met honde diens doen of honde vir spoorsny inspan, is dit maklik om die hond se roete en posisie presies vas te stel. Klank- en vibrasieseine help die hanteerder om met die hond te kommunikeer (Alpha 100). Die Astro 320 en Alpha 100 se reikafstand is tot 14,5 km op die halsbande vir groot honde en tot 6,5 km op die kleiner weergawes.
DELTAREEKS
Dié reeks halsbande is spesifiek op professionele hondehanteerders gemik en is toegerus met Tri-Tronics®-tegnologie. Die Delta-reeks bestaan uit drie reekse met verskillende stimulasievlakke (tot 36). Reikafstande wissel van 800 m tot 1,2 km.
Die topmodel is die Delta Upland™ XC. Hierdie model het 36 oombliklike en 18 aanhoudende stimulasievlakke sowel as ’n vibrasie- en klankseinopsie. Tot vyf honde kan per handtoestel opleiding ontvang. Bykomende halsbande is ook te koop.
BARKLIMITER™
Garmin se slim tegnologie leer intuïtief die hond se blafpatroon aan. Die hond kan dus steeds normaal kommunikeer, maar ’n aanhoudende geblaf, word met die halsband se twee impulskontakpunte afgeleer.
Die korrektiewe impulse is ’n keuse tussen ’n vibrasie of ’n ligte stimulasie-impuls wat in BO: LINKS: intensiteit toeneem by aanhoudende geblaf. Die vlak waarop die impuls op ’n geblaf reageer, is verstelbaar na gelang van die opleidingsbehoeftes. 9999. 011 251