In elke saadjie is ’n geskenk van gehalte
Augustus is Vrouemaand. Liza Bohlmann het op Greytown in KwaZulu-Natal, Pannar se tuisdorp, met ’n paar vroue van dié saadmaatskappy gaan praat oor hul werk, wat hulle motiveer en hoe hul doelwitte by die maatskappy se kernwaardes inskakel.
Indien jy al ooit gewonder het wie agter elke pit in Pannar se saadpakkies sit, lees vandeesmaand meer oor die mense agter die skerms wat elke mieliebaster en sojaboon soos ’n kroonprins bewaak. Hierdie vroue vertel hoe hulle van die eerste ontwikkelingstadium van die produk in die laboratorium tot by die saadproewe en gehaltetoetse skouer aan skouer saam met hul manlike kollegas werk om net die beste vir boere te lewer.
Me. Marianne Brown, bedryfsbestuurder van geïntegreerde gehaltebeheer vir Afrika in Greytown, sien saam met haar span toe dat Pannar se produkte en diens aan die vereiste standaarde voldoen.
Daardie laaste paar hekkies wat keer dat ondergemiddelde produkte op die mark verskyn, is ’n belangrike skakel in die jare wat dit duur om ’n nuwe kultivar bekend te stel. “Rentmeesterskap beskerm ons toekoms” is ’n slagspreuk waaraan Marianne onwrikbaar glo. Gehaltebeheer verseker al Pannar se produkte voldoen aan die hoogste standaarde vir plaaslike gebruik, maar ook internasionaal. Danksy noukeurige gehaltetoetse kan boere staatmaak op net die beste in elke sakkie saad.
Nes in enige boerdery is gehaltebeheer, rentmeesterskap en volhoubaarheid onontbeerlik as jy sake op ’n verantwoordbare wyse wil doen.
“Ek werk al 16 jaar lank by Pannar en ek is werklik verbind tot die maatskappy se kernwaardes,” sê Marianne. “Ons beywer ons om hierdie waardes elke dag in ons werk uit te leef.”
Mnr. Peet van der Walt, advertensiebestuurder, sluit daarby aan.
“Ons hoofdoelwit is om boere by te staan om rentmeesters van die omgewing te wees. Ons wil daarom met integriteit en verantwoordbaarheid sake doen. Marianne en haar afdeling sien toe dat Pannar se produkte van meet af aan ’n hoë standaard voldoen.” Pannar se kernwaardes is:
Pannar is verbind tot ’n persoonlike en professionele onderneming om die veiligheid en gesondheid van sy werknemers, kontrakteurs, kliënte en die mense in die gemeenskappe waar hulle werk, te beskerm.
Pannar vind wetenskaplik gefundeerde, volhoubare oplossings vir sy kliënte. Die maatskappy tree altyd verantwoordelik op om die omgewing te beskerm en die aarde se natuurlike hulpbronne te bewaar, vir die huidige sowel as toekomstige geslagte.
Pannar behandel sy werknemers en al sy vennote professioneel, met waardigheid en respek. Die maatskappy bevorder ’n omgewing waarin mense ’n bydrae kan lewer, vernuwend kan dink en kan uitblink.
Die maatskappy bestuur homself en sy sakebelange in ooreenstemming met die hoogste etiese standaarde en in ooreenstemming met alle toepaslike wette, terwyl Pannar altyd daarna strewe om wêreldwyd ’n gerespekteerde korporatiewe burger te wees. Marianne sê Pannar maak dit aangenaam vir sy personeel om hul take te verrig en dit