Nuwe GPS-tegnologie van FarmTrack SA help boere om hul plase (en trekkers!) doeltreffender te bestuur.
Met die bekendstelling van ’n nuwe opsporingstelsel van FarmTrack SA het boerdery ’n tree die toekoms in gegee. Dié tegnologie, ’n eenvoudige opsporingstoestel, stel boere in staat om hul plaas se produktiwiteit doeltreffender en kostedoeltreffender te bestuur.
Sowat 60% van Cluver Farms in die WesKaap se omset kom van appels en die res kom van wingerde. Die boerdery het omvattende proefnemings met FarmTrack gedoen. Hy is baie tevrede met die uitslae en het onlangs die FarmTrack-tegnologie aangebring op al 18 trekkers wat in die boerdery se 200 hektaar boorde gebruik word.
Cluver kan nou die akkuraatheid en dekking van spuitstowwe in elke boord meet en oplet waar rye in die spuitproses oorgeslaan is. Waar ’n ry oorgeslaan is, is die bome vatbaar vir swamsiektes.
Nóg ’n voordeel is die monitering van bestuurdersgedrag. Cluver kan die bestuurders nou aanspoor om beter te presteer deur hulle te wys hoe nuttig tegnologie kan wees en dat dit enige onkonsekwente of swak gedrag kan uitwys. Die gevolg is groter doeltreffendheid en gemotiveerde werkers omdat die bestuurders ooreenkomstig vergoed word.
Omdat die boer nou ’n omvattender prentjie van die plaas het, kan hy probleme gou uitwys en regstel, pleks van om later rond te ry om die probleem te probeer soek.
FarmTrack is ontwikkel deur Etse Electronics, saam met die Stellenbosse sagtewaremaatskappy EMSS. FarmTrack is tans ’n wêreldleier wat betref oplossings vir vrugteplase. Vir byna 99% van vrugteboere is pen en papier die enigste manier om hul spuitvolumes te meet.
Mnr. Waldo van der Merwe, woordvoerder van FarmTrack, sê FarmTrack is doeltreffend omdat dit eenvoudig is. Dit gebruik GPS-tegnologie wat met ’n rekenaarbediener skakel waar die data outomaties gehou, verwerk en georganiseer word. Só kan die plaasbestuurder die hele plaas se produktiwiteit meet deur bloot die internet te besoek.
Die stelsel verskaf gedetailleerde opsommings van spuitaktiwiteite. Dit hou rekord van voertuie se bewegings en wys doeltreffendheidfaktore uit, soos rye wat oorgeslaan is, verkeerde spuitsnelhede en of die trekkers korrek bestuur word.
Cluver gebruik FarmTrack reeds van 2015 af. FarmTrack word versprei deur InteliGro, ’n spesialis in gewasoplossings met depots en verkoopskantore landwyd.
FarmTrack help boere om geld op talle vlakke te bespaar, insluitende ’n verlies aan inkomste weens siektes, die koste van spuitstowwe, diesel, oortydrekeninge en die instandhouding van trekkers. www.farmtracksa.com