Met pale en traliewerk pasgemaak vir hul toestande kan boere dekades lank hul wingerde of vrugtebome stut.
Profile Alsace is ’n Franse maatskappy wat in Afrika deur Beaverson SA verteenwoordig word. Die maatskappy verskaf traliewerkstelsels aan die landboubedryf. Sy oogmerk is om ’n produk te verskaf wat duursaam, omgewingsvriendeliker en herhaaldelik bruikbaar is, asook om op lang termyn kapitaalbesparend te wees.
Die maatskappy spog met 40 jaar ervaring in die ontwikkeling van traliewerkstelsels vir die landbou. Dit maak hom die markleier in Europa met hierdie produkte, maar hy vergroot ook sy markaandeel in Amerika en 19 ander lande.
Die pale en traliewerk is ontwerp vir alle soorte latwerk en tafeldruifstelsels, soos vir wingerdbou, vrugteboorde, omheinings en kwekerye. Produkte word ontwerp om in al die kliënt se behoeftes te voorsien.
Pale en traliewerk moet verkieslik gebruik word in grond en toestande wat geskik is vir die kweek van landbouprodukte. Onvanpaste plekke sluit in moerasagtige grond, BO: plekke waar dit aanhoudend nat is, plekke wat reg onder kraglyne lê of grond met ’n pH van 5 en laer. As die produkte aanhoudend met vretende stowwe in aanraking kom, kan dit die gebruiksduur van die sinklaag waarmee dit bedek word, verminder.
Na gelang van die uitleg van die boorde word vasgestel watter soort pale gebruik moet word. Ongeag die soort of lengte paal wat gekies word, word die paalspasiëring bepaal deur die prieelstelsel in ag te neem, die maksimum opbrengs te bereken en vas te stel wat die heersende windrigting is omdat dit tot bykomende spanning op die prieelstelsel kan lei.
Beaverson se produkte het ’n waarborg van 20 jaar (lig versink) tot 30 jaar (swaar versink).