Trekker en strooier ideale pasmaats
Dit is met goeie rede dat boere en kontrakteurs Radium se werktuie gebruik. Die ingenieurswerk is vernuftig, die diens is goed en die afwerking netjies.
Radium Engineering se derdegeslag-strooierreeks wat vinniger en akkurater kunsmis, kalk en droë organiese materiaal kan strooi, spreek van vindingrykheid.
Die maatskappy het in 2000 sy eerste strooier met ’n veranderbare toedieningstempo bekend gestel. Verlede jaar het die nuwe hidrouliese ProSpread-strooier van 18 ton gevolg.
Die reeks strooiers is uitgebrei vir gebruik in nou boorde en wingerde, maar ook vir grootskaalse bemesting op saaiplase. Die verbeterde ontwerp gee meer aandag aan vinniger en akkurater toediening – tot 5 t/ha teen 30 km/h.
Die sleepstang van die ProSpread se topmodelle (310, 312, 315 en 320) is geveer. Die strooiers kan daarom vinniger, maar steeds veilig in landerye ry.
Met die opgradering van Radium se reeks strooiers kan boere nou ook inskakel by hul moderne trekkers se rekenaartegnologie. Die ProSpread 315 en ProSpread 320 kom as standaard met Isobus-gereedheid, twee kameras en beligting wat werk snags en soggens vroeg moontlik maak.
Hierdie klas strooier is ontwerp met produktiwiteit en veelsydigheid in gedagte. Dit is die ideale opsie vir die middelslagen kommersiële boer, sowel as kontrakteurs wat op groot skaal werk. Die reeks Radiumstrooiers is bekostigbaar, betroubaar en net reg vir die toediening van kunsmis, kalk, gips en middelslagtot hoë hoeveelhede droë organiese materiaal.
SPANWERK
Mnr. Thys Botha is ’n kontrakteur wat landwyd op verskeie plase werk. Hy maak staat op Radium se strooiers om die probleme Mnr. Thys Botha is ’n kontrakteur en een van die vele tevrede kliënte van Radium Engineering. “Ek is baie tevrede met die gehalte van Radium se strooiers en hulle diens.” Thys gebruik strooiers soortgelyk aan dié Radium ProSpread 315. Hierdie model kan ’n vrag van 15 000 kg in sy bak van 12,5 m3 laai. Die Radium ProSpread 310 met sy hidrouliese ratkas is een van die topmodelle in die ProSpread-reeks. Dit het ’n geveerde trekstang, “gull wing”-staalkabinette, verstelbare deflekteerplate en verstelbare, hoëwerkverrigting- hidrouliese tollermotors. van kontrakteurswerk makliker te bowe te kom.
Hoewel die mark ’n groot keuse bied, glo Thys in Radium se ingenieursvernuf en diens.
“Die ingenieurswerk is uitstekend en die afwerking is netjies en presies. Die strooier het min slytpunte. Daarom hóú die masjien. Ek is ook beïndruk deur die maatskappy se diens. Dit maak nie saak of dit dag of nag is nie, die mense beantwoord navrae en doen enige herstelwerk of onderhoudswerk blitsvinnig.”
Thys bedryf sy eie kontrakteursfirma, MJ Botha Presisieboerdery. Om elke kontrak winsgewend, betyds en op standaard te verrig, gebruik hy Radium se misstrooiers.
“Ek gebruik John Deere-trekkers met die GS 3-stelsel vir presisiebewerking saam met my ProSpread-strooiers van 12 ton en 18 ton. Die Radiumwerktuie skakel regstreeks met die trek- ker se elektroniese bestuurstelsel. Met die programmering wat boodskappe van die trekker na die strooier stuur, kan ek die tonnemaat presies bestuur. Só bespaar die boer op sy kalkuitgawes. Dit maak my werk makliker,” sê Thys.
Die spoed van die ketting in die strooier word aangepas om die hoeveelheid kalk, mis of kunsmis per kubieke meter aan te pas volgens die boodskap wat die trekker se presisiebestuurstelsel stuur. Dit skakel ook met die ryspoed en die strooier roep saam halt as die trekker stilstaan.
“Ek kan met gemak teen 16 km/h ry en misstowwe presies strooi danksy die Isobus-skakel wat kommunikasie tussen die trekker en strooier moontlik maak,” sê Thys. 012 719 9062/3; www.radium.co.za.