Vrugbaarheid en langlewendheid bied ekonomiese voordeel
Kommersiële telers sê vir elke jaar dat ’n koei langer in produksie is, bespaar hulle 8-10% op hul koste. Seleksie vir langlewendheid kan groot ekonomiese voordele vir ’n boer inhou. 1 voordele vir ’n boer inhou.
Die antwoorde uit die Universiteit van die Vrystaat (UV) se marknavorsing dien as bewys dat langlewendheid uiters belangrik vir beesboere is. Data-ontleding wat saam met me. Theresa Steenkamp van die Brahman-beestelersgenootskap en die eenheid vir lewendehawe-ekonomie van die UV gedoen is, het bewys dat verskeie Brahmankoeie al 16-21 kalwers gehad het met ’n tussenkalfperiode (TKP) van so kort as 365 dae.
Wetend of onwetend het sommige telers hierdie koeie en hul regstreekse afstammelinge doeltreffend en produktief aangewend. Hierdie langlewende teelmateriaal is tot voordeel van die bedryf tans wyd verspreid in die Brahmanras. (Sien die kassie hiernaas.) om die eienskappe oor te dra. In die nageslagregister van JVZ01362 is reeds 436 nasate aangeteken, wat die gene van vrugbaarheid en langlewendheid voortsit. Uit hulle is al 723 nasate in verskillende kuddes.
Seleksie vir langlewendheid op die tradisionele manier is ’n proses wat baie lank duur aangesien die langlewendheid van ’n koei eers bewys word wanneer sy redelik oud is en die kans op die doeltreffende benutting van haar nasate gekniehalter word.