Herrie bars los oor bewerings van ‘storting’ uit Pole

DIE langlewemelk wat verlede jaar uit Pole ingevoer is, is nié gestort nie, sê die Melkprodusenteorganisasie (MPO).

Dit volg op bewerings van storting op ’n vergadering waar mnr. Tony Ehrenreich, Wes-Kaapse sekretaris van Cosatu, hom by sukkelende boere geskaar het.

Me. Barbara Bieldt, bestuurder van markbeskerming by die MPO en ’n kenner van invoertariewe, sê ’n produk moet aan sekere vereistes voldoen voor die Kommissie vir Internasionale Handelsadministrasie (Itac) dit as gestort sal beskou.

Bieldt het gereageer op ’n berig op waarvolgens dié melk uit Pole “gestort” is omdat dit goedkoper in SuidAfrika aangeland het as die prys waarteen melk plaaslik geproduseer kan word.

Verskeie belanghebbendes het dié vergadering voorverlede week by die Wes-Kaapse landbou-navorsingsplaas Elsenburg bygewoon om ’n oplossing vir melkboere se geldelike verknorsing te vind (lees die kassie “Nedlac moet kyk na melkbedryf”).

NORMALE PRYS

Sy sê om storting te kan bewys, moet die produk ingevoer word teen ’n prys wat laer is as die “normale prys” in die produk se land van oorsprong.

Die “normale prys” is die produksiekoste plus verkoops-, administratiewe en ander koste, oftewel die prys waarteen die produk in die normale verloop van handel verkoop word.

“Verder moet daar ’n regstreekse verband wees tussen die lae prys en die skade wat dit die Suid-Afrikaanse bedryf berokken,” sê Bieldt.

Gegewe dat Suid-Afrika ’n netto uitvoerder van langlewemelk is, sal die bewyslas van skade nóg moeiliker wees.

Bieldt sê toe die groot hoeveelhede melk verlede jaar uit Pole ingevoer is, was daar plaaslik ’n oorproduksie van melk nadat winkels in die vorige winter ’n tekort ervaar het.

Suid-Afrika hef geen invoertariewe op langlewemelk en jogurt uit enige land nie. Oor die moontlikheid dat invoertariewe op langlewemelk ingestel kan word, sê Bieldt Suid-Afrika sal weens

EHRENREICH GEE SY STEUN AAN MELKBOERE

Mnr. Tony Ehrenreich (regs), Wes-Kaapse sekretaris van Cosatu, wat in 2012 ’n sleutelrol gespeel het in wydverspreide stakings in die wynbedryf, het gesê ’n bedryfsplan is dringend nodig om die suiwelbedryf op koers te kry. “As een swaarkry in die bedryf, kry almal swaar – ook die werkers.”

Op ’n vergadering wat op 25 Augustus by Elsenburg gehou is, is besluit dat Cosatu, die Melkprodusente-organisasie, Agri SA, die Departement van Landbou, Bosbou en Visserye, asook mnr. Gielie de Kock (links), namens melkboere op grondvlak, afsonderlik vertoë tot die Nasionale Ekonomiese, Ontwikkelings- en Arbeidsraad (Nedlac) sal rig om die ekonomiese probleme in die suiwelbedryf te bespreek. die land se vryehandelsooreenkoms met die Europese Unie (EU) nie tariewe op produkte van daar kan hef nie.

Sy sê toe invoertariewe op suiwelprodukte ná deregulering ingestel is, het langlewemelk nog nie so ’n groot rol in die suiwelbedryf gespeel nie.

In die nuwe ekonomiese vennootskapsooreenkoms wat Suid-Afrika en die EU in Junie onderteken het, is ook nie voorsiening gemaak vir moontlike invoertariewe op langlewemelk nie, aangesien dit toegewings ten opsigte van die tariewe op ander suiwelprodukte sou vereis.

Bieldt sê die tariewe wat tans vir ingevoerde suiwelprodukte geld, is R4,50/kg op alle soorte melkpoeier, R5/kg op botter en R5/kg op kaas.

VORIGE AANSOEKE

Bieldt sê die MPO het voorheen twee aansoeke vir invoertariewe by Itac gebring, en albei was onsuksesvol. In 2003 is ’n aansoek op invoertariewe op langlewemelk afgekeur omdat die SuidAfrikaanse bedryf nie mededinging op grond van die ingevoerde hoeveelheid en die prys van die ingevoerde produk ondervind het nie. In 2004 het Itac voorlopige stortingstariewe ingestel op Ierse cheddarkaas, maar met sy finale ondersoek bevind daar was nie ’n regstreekse verband tussen die storting en skade aan die plaaslike bedryf nie, waarna die tariewe opgehef is.

Bieldt sê die MPO moedig boere aan om klem te lê op faktore wat hulle kan beheer, soos doeltreffendheid op hul plaas.

ONMEDEDINGEND

Mnr. Gielie de Kock, ’n melkboer van Witsand in die WesKaap, het op gesê Bieldt “verstaan nie melkboere se huidige posisie nie. Die rede waarom daar gesê is dit kom neer op storting, is omdat dit goedkoper hier geland het as die prys in Suid Afrika. As Bieldt nie weet van die skade wat dit vir ons produsente gebring het nie, is sy nie vertroud met die produsente se finansiële posisie nie.

“Wat kan jy doen as jou produksiemiddele se prys vasgestel word en jou melkprys vasgestel word, en jy kan geeneen verander nie? Die aankoopstelsel van melk sal ook aangepak moet word. Volume- en gebiedpremies sal moet val, anders sal geen opkomende suiwelprodusent in hierdie land gevestig kan word nie,” skryf Gielie.

Mnr. Philip Blanckenberg, Wes-Kaapse voorsitter van die MPO, het op die vergadering gesê suiwelinvoertariewe is sowat 18 jaar gelede laas aangepas. Die bedryf is bang om die saak aan te roer, uit vrees dat dit afgeskaf kan word. “Die situasie maak die Suid-Afrikaanse melkprodusent onmededingend in die wêreldmark.” —

‘As Bieldt nie weet van die skade wat dit vir ons produsente gebring het nie, is sy nie vertroud met die produsente se finansiële posisie nie.’

Landbouweekblad