IS DAE VAN UITVOER NA ASIË GETEL?
SUID-AFRIKAANSE uitvoer na Suid- en Suidoos-Asië – die tuiste van ’n derde van die wêreldbevolking – kan binne die volgende drie tot vyf jaar irrelevant raak weens kompetisie van mededingende produsentelande in die Suidelike Halfrond, meen ’n veteraan in die varsproduktebedryf.
Mnr. Jason Bosch, direkteur van die uitvoermaatskappy Origin Direct Asia in China, doen al bykans tien jaar sake in China en het sewe jaar daar gewoon. Hy het op die onlangse konferensie van die Produce Marketing Association (PMA) in Pretoria gesê Suid-Afrika sal nie met Australië en baie van die Suid-Amerikaanse lande kan meeding nie.
“Strawwe kompetisie van Australië en lande in Suid-Amerika, wat gunstige handelsooreenkomste met Oosterse lande het, kan ons geleenthede in die Ooste in die wiele ry,” sê hy. Boonop is die kans skraal vir ’n handelsooreenkoms tussen Suid-Afrika en enige van die Oosterse lande wat invoertariewe sal uitskakel en kleinhandelpryse aantrekliker sal maak.
AGTERSTAND
om in te haal.
“Australië het ook in ’n mate die mark van ‘duur, ingevoerde luuksheid van puik gehalte’ oorgeneem en verdien dus ’n redelike premie opdiemeestevanhuluitvoernadie Ooste. Dit kan ’n mens slegs regkry met goeie en duur bemarking.”
Mnr. Anton Kruger, uitvoerende hoof van die Varsprodukte-uitvoerdersforum (FPEF), sê dit is nie so eenvoudig soos om ’n skeepshouer vol vrugte te laai, dit in Japan of China af te laai en te wag vir die geld nie.
Die uitdagings is nie net die taalen kultuurverskille en die bestuur van die logistiek en die koueketting nie, maar ook om te verstaan hoe hierdie markte verkies om hul vrugte en groente te koop en watter gehalte en standaarde in verskillende streke verwag word, sê hy.
AFRIKA
Mnr. Justin Chadwick, uitvoerende hoof van die Suid-Afrikaanse Sitruskwekersvereniging (SKV), reken Bosch se voorspellings oor die gebrek aan handelsooreenkomste met die Ooste is te ernstig.
“Ons mededingers uit Suid-Amerika en Australië is dalk nie blootgestel aan die invoertariewe soos wat ons is nie, maar ons gehalte is steeds uiters mededingend en ons produksiekoste laer.
“Dit tel uiteraard in ons guns om met samesprekings te begin vir handelsooreenkomste, en die SKV het al die Regering hiervan bewus gemaak. Tans is die Regering egter daarop toegespits om handelsooreenkomste in Afrika te versterk en uit te bou,” verduidelik Chadwick.
–