Vrystaat loop deur onder graandiewe
DIE georganiseerde diefstal van vragte koring en mielies is aan die toeneem in veral die noordelike dele van die Vrystaat. Die afsetgebied vir dié graan is vermoedelik in Gauteng.
Daarmee saam loop die provinsie reeds ’n geruime tyd onder veediewe deur. Skrootdiefstal is ook vir boere ’n probleem.
Volgens Vrystaat Landbou en VKB se veiligheidskantoor is meer as 10 sake van vragte gesteelde graan (mielies en koring) die afgelope twee maande by hom aangemeld.
“Dorpe in die Vrystaat waar sulke voorvalle plaasgevind het, sluit in Reitz, Heilbron, Bothaville, Deneysville en Harrismith. Die verliese wat boere weens dié diefstal ly, beloop duisende rande, veral as die heersende kommoditeitspryse van grane in ag geneem word,” sê me. Alani Janeke, woordvoerder van Vrystaat Landbou. Die veiligheidskantoor vermoed diewe koop plaaswerkers om, veral in gevalle waar talle vragte voer gelewer word en die byhou van aantekeninge omseil kan word.
ONDERSKEP
“In sommige gevalle vind die misdadigers uit dat ’n vervoermaatskappy na ’n plaas op pad is en dan gee hulle voor dat hulle deel van die vloot is. Só onderskep hulle van die vragte,” sê sy.
Voorvalle is ook aangemeld waar vragte graan tydens die
Landbouweekblad het in Julie berig oor 15-20 ton mielies wat van ’n proefperseel van die Argent-studiegroep langs die N12-snelweg tussen Delmas en Springs gebuit is (“Diefstal steek stokkie voor proewe”, LBW, 15 Julie).
“Die kantoor raai boere aan om deeglik boek te hou van elke vrag se vervoer. Bel die betrokke aankoper indien nodig om die vragmotor en bestuurder se besonderhede na te gaan om te verseker die vrag word na die koper vervoer,” sê Janeke.
VEEDIEFSTAL