OLIFANTE KAN SELFS ‘SPOORSNY’, DWELMS OPSPOOR
OLIFANTE kan opgelei word om soos snuffelhonde dwelms uit te ruik of selfs om spoor te sny, het ’n groep graad 9-leerders van die Sekondêre Skool Vingerkraal naby Bela-Bela in Limpopo op ’n uitstappie na ’n olifantsentrum gehoor.
Hul besoek is moontlik gemaak deur ’n groep veeartsenystudente aan die Universiteit van Pretoria.
Een van die studente se vakke, veterinêre professionele lewe, vereis dat hulle ’n gemeenskapsprojek aanpak waardeur hulle aandag gee aan kwessies, soos dieresorg, etiek, menseverhoudinge en kommunikasie.
Vir die kinders wat olifante nog net in dieretuine gesien het, was dit ’n belewenis om so naby aan die olifante te staan dat hulle aan die diere kon raak.
Mnr. Sean Hensman van Adventures With Elephants naby Bela-Bela het aan die leerders gesê olifante kan 14 keer beter as honde ruik – en honde kan 2 000 keer beter as mense ruik.
Hy sê in ’n ideale wêreld behoort olifante vry rond te loop, maar daar is eenvoudig nie meer genoeg uitgestrekte wildernisse in Afrika nie. “Olifante moet dus nou hul plekkie in die son verdien.”
Volgens hom is dit veral van toepassing op Adventures With Elephants se olifante. Dié olifante het as probleemdiere by Adventrues With Elephants
LANDBOU SE GOUE STEM UIT VILLIERSDORP
’n Paar van die Wes-Kaap se plaaswerkers het op Hortgro se jaarlikse Agri’s Got Talent-kompetisie geskitter. Die wenner, Neville Fortuin (middel), het die beoordelaars en gehoor uit die staanspoor van die verrigtinge met sy breë glimlag en goue stem oorrompel. Abraham Erasmus (links) van Zandvliet Indigo Fruit Farming buite Ashton was tweede en Josephine Karelse (regs) van Robertson Winery naby Robertson derde. Fortuin (19) is ’n werker by Little Oaks naby Villiersdorp. Hy wen R5 000 en sal op verskeie landbougeleenthede vanjaar optree. beland. Hulle het uit parke en reservate ontsnap en skade in buurgemeenskappe aangerig. Hensman sê die olifante Mussina, Chishuru, Nuanedi, Chova en Shan sou almal van kant gemaak word as hulle nie ’n heenkome by Adventures With Elephants kon kry nie.
Vir die leerders was dit ’n openbaring. Hulle het nooit besef hoe slim olifante is nie, sê Bondia Zoromine. Die slim bosreuse het haar egter nie laat afsien van haar droom om eendag ’n geoloog te word nie. Van haar maats sê egter hulle sal nou definitief ’n loopbaan in natuurbewaring of selfs veeartsenykunde oorweeg.
Fabaiano Filupus wil ’n fotograaf van natuurlewe word. Baie van die kinders se familie en vriende uit hul nedersetting werk by reservate in die omgewing.