BOERE MAAK HUL STEM DIK
NÁ die teleurstellende openingsveiling van die winter twee weke gelede toe die prys van sterk bokhaar met 32% getuimel het teenoor die laaste veiling in Mei, het produsente besluit om hul reserwevlakke op die jongste veiling uit te oefen.
Dit het daartoe gelei dat net 4% van die sowat 60 000 kg sterk haar op die veiling verkoop is.
’n Relatief groot deel van die sterk haar is egter ná die veiling deur makelaars verkoop. Hulle het pryse behaal wat sowat 5% hoër was vergeleke met wat kopers bereid was om op die eerste veiling van die winter te betaal. Van die nagenoeg 179 000 kg haar wat op die veiling aangebied is, is net 51,6% teen R16,7 miljoen verkoop.
Volgens Sybokhaar SA het kleinbokkiehaar se prys met 5% gestyg tot R291/kg, jongbokhaar was 3% duurder op R236,43/ kg en fyn grootbokhaar wat teen R204,55/kg verkoop het, sepryswas10%hoërasopdie openingsveiling.
ONSEKERHEID
Mnr. Pierre van der Vyver, bestuurder van die bokhaarafde- ling by OVK/CMW, sê die swak vertoning van sterk bokhaar is weens onsekerheid in die Chinese mark – die belangrikste koper in dié segment.
“Die politieke onsekerheid (in Suid-Afrika) en die gepaardgaande skommeling in die waarde van die rand bemoeilik die finansiële beplanning op lang termyn vir verwerkers.”
Die grootste kopers op die veiling was Samil (293 bale), Stucken (284 bale) en Mosenthals wat 102 bale gekoop het. Die volgende veiling is op 27 September. –