MATHEWS PHOSA Los die politiek en boer saam
“ONS is almal hier gebore en gewortel. Dit is tyd om hande te vat en ons kennis aan mekaar oor te dra.”
Só het dr. Mathews Phosa, voormalige premier van Mpumalanga, in Afrikaans aan afgevaardigdes by Agri Limpopo se kongres gesê.
Phosa boer met Bonsmaras langs die Glen Alpine-dam in Limpopo. Hy het op Agri Limpopo se kongres by Weesgerus in Modimolle gesê dit breek sy hart om te sien hoe baie grond wat in die restitusieproses aan swart boere terugbesorg is, nou niks meer oplewer nie.
“Ons grondhervormingsproses is besig om voedselsekerheid te ondermyn,” het hy gesê, en ’n beroep op boere gedoen om te help met grondhervorming en die bemagtiging van swart boere.
“Dit kan nie weggewens word nie. Ons moet eerder dr. Anton Rupert se raad volg en die emosies oor grond laat staan, en die sakegeleenthede aangryp wat daarmee verband hou.”
LIMPOPO SÊ NEE VIR ‘KORPORATISERING’
Hierdie resolusies is by die Agri Limpopo-kongres aanvaar: ■ Die Karaanplan moet so gou moontlik geïmplementeer word. ■ Agri SA moet sy lede in Afrika se belange beskerm. Dr. Theo de Jager, voorsitter van die Konfederasie van Suider-Afrikaanse Landbouunies (Sacau), sê Agri SA is huiwerig om landbouaktiwiteite buite die grense
Hy glo die geheim vir sukses met grondhervorming en die bemagtiging van opkomende boere lê in vennootskappe, iets waartoe Agri Limpopo hom al vir ’n geruime tyd beywer.
Phosa draai nie doekies om oor die probleme wat die magstryd binne die ANC teweegbring nie.
Hy sê egter boere moet klem lê op die geleenthede wat SuidAfrika se grondhervormings- en bemagtigingsbeleid meebring, pleks van die Regering as ’n bedreiging te sien.
van Suid-Afrika te bevorder. Agri Limpopo voorsien egter dat al hoe meer van sy lede ook buitelandse belange gaan bykry en dat die ontwikkeling van landboukapasiteit in die res van Afrika nie ’n slegte ding is nie. ■ Groter samewerking met die TLU SA Noord en die African Farmers’ Association of South Africa (Afasa) word bevestig. Daar is ook ’n gewilligheid om met alle organisasies, ook buite die landbou, saam te werk wat eiendomsreg en markwaardevergoeding
wil verseker. Hoewel Agri SA nie deel is van die ad hockomitee oor eiendomsreg nie, sit Agri Limpopo op dié komitee saam met onder meer die FW de Klerk-stigting, die Helen Suzman-stigting en die FAK. ■ Agri Limpopo is gekant teen voorstelle om Agri SA se karakter as landbou-unie te vervang met ’n maatskappymodel waar ’n direksie, pleks van mandaat-gebonde verteenwoordigers, besluite neem. Dié organisasie bly ’n voorstander van ’n federale karakter waar elke provinsie sy eie stem het. ■ Wetgewing moet tydig bearbei word, pleks daarvan om dit agterna in howe te gaan toets. Ná onderhandeling met tradisionele owerhede en kerke moet ’n memorandum van verstandhouding oor toegang tot grafte op plase opgestel word. Mnr. Piet Engelbrecht, ’n boer van die Marble Hall-omgewing, is aangewys as die organisasie se nuwe ondervoorsitter en mnr. Leon Borcherds is onbestrede tot voorsitter herkies.