Vul graangewasse aan met mikro-elementekorrels
Mikro-elemente speel ’n belangrike rol om gewasse hul opbrengspotensiaal te laat verwesenlik.
Gewasse het nie net makrovoedingstowwe soos stikstof, fosfaat en kalium nodig nie, maar ook noodsaaklike mikro-elemente om te verseker dat hulle presteer. Dit kan verduidelik word aan die hand van Liebig se wet van minimum. Dit bepaal dat die element wat die mees beperkende is, die potensiaal van die gewas wat verbou word, sal bepaal. As sink dus die mees beperkende voedingstekort by die gewas is, sal die voedingstekort nie reggestel kan word deur die aanvul van bykomende stikstof nie.
DIE MIKRO-ELEMENTEKORREL
Suid-Afrika se droëlandgraanboere, veral die boere wat in westelike omgewings boer, verkeer onder groot finansiële druk – veral ná die afgelope somer toe die reënval besonder skraps was. Boere moet daarom hul sente omdraai en verseker dat hulle die voordeligste besluite oor produksiemiddele neem.
Die ideaal is dat die boer alles in sy vermoë te doen om tydens planttyd die gewas die beste moontlike wegspring te gee. Dit beteken dat noodsaaklike mikro-elemente ook deel van die bemesting moet uitmaak.
Laeveld Agrochem het besef daar is ’n behoefte in die mark om noodsaaklike mikro-elemente kostedoeltreffend en moeitevry tydens planttyd aan te vul. Saam met een van sy verskaffers het die maatskappy ’n mikro-elementkorrel ontwikkel wat vyf van die noodsaaklike mikro-elemente bevat wat graangewasse benodig: sink, mangaan, yster, koper en boor. Boere kan dit in hul plantermengsels inmeng.
TOEGANG TOT DIE MIKROELEMENTEKORREL
Die mikro-elementkorrel is spesifiek ontwikkel om deur kunsmisvervaardigers by boere se plantermengsels ingemeng te word. Boere BO: REGS: kan dus hul huidige korrelkunsmisvervaardiger versoek om die mikroelementkorrel by hul plantermengsel in te meng.
Die produk het dieselfde korrelgrootte en hardheid as die meeste ander grondstowwe wat deur die vervaardigers van massakunsmismengsels gebruik word. Daar bestaan dus nie die gevaar dat die integriteit van die ander grondstowwe in die mengsel nadelig beïnvloed sal word deur die inmeng van die mikro-elementkorrel nie.
VOORDELE
Gewasse kan net reageer op die stand van sake soos wat dit tans is. Hulle kan nie voorsien wat in die toekoms gaan gebeur nie. Deur die insluiting van die mikro-elementkorrel in die plantermengsel word vroegtydig voorsiening gemaak vir die onttrekking van vyf van die noodsaaklike mikro-elemente.
’n Verdere groot voordeel vir veral mielie- boere is dat dié vyf mikro-elemente beskikbaar is in die kritieke eerste vier tot vyf weke van die gewas se ontwikkeling, waartydens die teoretiese oespotensiaal bepaal word. Dit is belangrik dat tydens hierdie kritieke groeistadium geen voedingstekorte voorkom nie.
Mikro-elementkorrels sal voordelig wees by ander gewasse waar boere nie tradisioneel met mikro-elemente bemes het nie. 012 940 4398.