Plaasbakkie vreet ruwe terrein

ie Brandt M1 4x2 Sport met sy kragtige V8aandrywing en robuuste konstruksie is enige veld se moses en kan as plaaswerkesel of veelterreinnutsvoertuig aangewend word. Dié model, wat sedert 2017 in groot getalle in Bloemfontein vervaardig word, is die eindpro duk van jare se ontwikkeling deur mnr. Antonie Brandt en sy seuns, Lourens, Stian en Gerrit.

Die Brandts het destyds bekend geraak vir hul ontwikkeling van die DTV, ’n plaaslik vervaardigde veldnutsvoertuig waarvan sowat 400 eenhede sedert 2004 verkoop is. Die nuwe Brandt M1bakkie is pas verkrygbaar in twee modelle, die 4x2 Sport en Baseline. Binnekort begin die vervaardiging van hierdie reeks se 4x4modelle.

Die M1 se staalbakwerk en onderstel vorm ’n eenheid en die herwinningspunte aan die vooren agterkant is aan die onderstel aangebring. Standaardtoerusting vir die Sport is ’n ewenaarslot, kragstuur en outomatiese vyfgangratkas. Die VVTipetrolenjin is dié van ’n Lexus.

In teenstelling met die basismodel, beskik die Sport oor binneafwerking en matte, ’n lugversorger, klankstelsel, allooivellings met 315/75 R15Kumhobande, ’n sleepstang en ’n wringas. Die Sport se grondvrye hoogte is 280 mm en dit beskik oor ’n skerp invalshoek. Die laaibak vir sowat 1 ton is 1,4 m lank. Dit kan op aanvraag na 2 m verleng word. Nog ’n bykomstige keuse is ’n nuwe 2,8Cumminsturbodieselenjin (Eurovlak 4) wat die Sport se prys met sowat R100 000 opjaag. 079 522 4063, 051 250 4899. antonie@brandtrd.co.za.