Ford trou klein diesel suksesvol met outomaties
Dieselenjins met ’n enkele turboaanjaer is geneig tot turbotraagheid en sy werkverrigting word soms gekniehalter as jy ’n outomatiese ratkas daaraan vasbout – veral kleiner enjins, wat min verplasing bied. ’n Muggiegewigstadskarretjie kan met die bogenoemde kombinasie wegkom, maar ’n plaasbakkie? Aikona.
Ford het egter nou die teendeel bewys met sy nuwe Ranger 2.2 TDCi. Dié bakkie is toegerus met ’n 2,2Duratorqdieselenjin en ’n outomatiese sesgangratkas. ’n Turboaanjaer met veranderlike lemme en ’n hoëdruksirkulasiestelsel sorg vir 118 kW krag en 385 Nm wringkrag. Hoewel dié syfers nie te versmaai is nie, kon dit alles ongedaan gemaak word deur ’n lui of verwarde outomatiese ratkas.
Dit het kopkrap gekos, maar Ford kon daarin slaag om ’n relatief klein dieselenjin en ou tomatiese ratkas met mekaar te versoen, skynbaar sonder om enigiets in te boet. Sagteware sorg dat die ratkas ’n bepaalde rat handhaaf totdat die turboaanjaer op spoed kom. Dít verhoed dat die ratkas oorstuurs soek na die gepaste rat. Die goor aard van turbotraagheid word boonop verminder.
Met nege 2,2TDCimodelle – twee enkelkajuit, drie Super Cab en vier dubbelkajuitvariasies – is die Rangerreeks nou na 36 modelle vergroot. Daar is dus ’n Ranger wat in bykans enige behoefte voorsien.
Alle 2,2modelle word met ’n sleephaak toegerus. Met ’n sleepgewig van 3,5 ton, 230 mm grondvryhoogte en 800 mm dompeldiepte, bly ’n Ranger dalk jou veelsydigste ryding.