Kliënte van Jacto het nou meer opsies met twee nuwe, selfaangedrewe spuite wat maksimum doeltreffendheid verseker.
Northmec streef voortdurend daarna om bekostigbare toerusting van ’n hoë gehalte by sy bestaande reeks toerusting te voeg. Dit is dus met groot vreugde dat twee bykomende modelle as toevoegings tot die huidige reeks Jacto Uniport-selfloopspuite aangekondig word.
Naas die huidige selfaangedrewe Uniport 3030-spuit met ’n tenk van 3 000 liter en ’n spuitbalk van 32 m stel Jacto twee nuwe modelle bekend: Uniport 4530 en Uniport 2530.
“Die bekendstelling voorsien in ons kliënte se behoeftes en beteken Jacto se reeks selfaangedrewe spuite is nou nog vollediger. Die twee nuwe modelle is ontwikkel met maksimum doeltreffendheid, ook wat ekonomie en tegnologie betref. Dit is faktore wat belangrik is vir optimale doeltreffendheid,” sê mnr. Marcus Portari, Uniport-produkbestuurder by Jacto.
JACTO UNIPORT 4530
Die Jacto Uniport 4530 het ’n tenk wat 4 500 liter chemiese middels hou, en ’n spuitbalk van 36 m. Dit is die eerste masjien van sy grootte in Brasilië en is ook binnekort in Suid-Afrika beskikbaar. Die spuit weeg 10,5 ton wanneer dit leeg is en het ’n uitstekende bedryfsdoeltreffendheid van tot 80 hektaar per uur.
Wanneer dit met selfloopspuite met ’n 3 000 liter-tenk en ’n balk van 30 m vergelyk word, is die Uniport 4530 se doeltreffendheid (hektaar per uur) tot 30% hoër en die gewasskade tot 17% minder. Die Uniport 4530 se brandstofverbruik van 0,4-0,7 liter per hektaar is tot 35% minder vergeleke met ander masjiene op die mark.
Die nuwe vierwiel-Unitrack®stuurstelsel verdien spesiale vermelding omdat dit vinniger en akkurater bewegings en ’n kleiner draai-radius beteken. Hierdie kort draaistelsel verminder gewasskade met tot 40%. Die spuitbalk se grondvryhoogte van 2,75 m saam met die verstelbare wielsporing van 1,55-1,75 m bied meer opsies in alle plantstadiums.
’n Indrukwekkende 011 922 2300 maksimum spuitspoed van 35 km/h en ’n maksimum padsnelheid van 40 km/h verseker dat die spuit optimaal gebruik kan word. Dit het ingeboude Otmis-tegnologie, soos ’n outomatiese spuitkopkontroleerder, Trimble-gegronde outostuur en ’n RTX-korreksiesein.
Dit kan ook toegerus word met ’n temperatuur- en humiditeitsensor en ’n truratkamera.
JACTO UNIPORT 2530
Die Jacto Uniport 2530 kan in feitlik enige toestand werk, selfs teen ’n helling van 30%. Dit is ’n liggewigmasjien met genoeg krag en ’n lae brandstofverbruik.
Die spuit weeg 8,5 ton as dit leeg is. Dit het ’n tenk wat 2 500 liter chemiese middels hou, ’n spuitbalk van 30 m en ’n vaste grondvryhoogte van 1,60 m. Die buigsame onderstel is bestand teen strawwe toestande. Die spuit het ’n kajuit met lugversorging en ’n pneumatiese sitplek.
Die spuitstelsel het ’n spuitbalk van 30 m, spuitkopspasiëring van 35 cm, Quadrijet- BO: Die spuitkophouers, ’n tenk wat 2 500 liter chemiese middels hou, ’n elektronies beheerde JP 150-leweringspomp met ’n vermoë van 190 liter per minuut, ’n elektries-elektroniese agtseksieMasterflow-beheerstelsel, ’n chemiese mengbak, ’n meganiese roerder met rotasiebeheer en ’n skoonwatertenk van 330 liter.
Die Uniport 2530 het ’n maksimum spuitspoed van 25 km/h en ’n padsnelheid van 40 km/h.
Dit het ook die Trimble-gegronde outostuur en ’n RTX-korreksiesein.
JACTO UNIPORT 3030
Die Jacto Uniport 3030 het opwindende nuwe opsies, soos die vierwiel-Unitrack®-stuurstelsel. Benewens die bestaande tweebalk-opsies van 28 m en 32 m is ’n nuwe balkwydte van 36 m ook nou beskikbaar. Die balk van 36 m verhoog bedryfsdoeltreffendheid met tot 14% en verminder gewasskade met tot 17% vergeleke met die selfaangedrewe masjiene met ’n balkwydte van 30 m.