Sagteware wat met skale by voersilo’s kan “kommunikeer”, help om verliese te beperk en die meng van voer meer kostedoeltreffend te doen.
Dié ingenieur se goeie daad vir ’n Kaapse kinderhuis het hom gehelp om die moontlikhede van sensortegnologie wat met ander toerusting geïntegreer is, raak te sien en ’n onderneming te stig wat nuttige rekenaartoepassings vir die landbou ontwikkel. Deesdae gebruik van Suid-Afrika se bekendste voer- en skaalmaatskappye en voerkrale die programme wat mnr. Riaan Mastenbroek van die maatskappy IotX skryf om die vermenging, hoeveelhede en aflewering van voer en voermengsels te monitor.
“Ek het vier jaar gelede gratis sagteware vir ’n kinderhuis ontwikkel sodat hulle hul sonkragstelsel kon monitor en data kon insamel ten einde om ’n Eskom-rabat aansoek te doen. Dié integrasie van sensors het gelei tot gesprekke oor die moontlikhede van die program. Ná vele gesprekke het ek met die plaaslike skaalmaatskappy Massamatic begin saamwerk. Die doel was om sagteware te ontwikkel om voer te monitor by die skale wat hulle by voersilo’s installeer.”
Riaan sê die elektriese toestel wat hy bou, is ’n mikrokontroleerder wat hy invoer en programmeer om spesifieke funksies te verrig. “Die apparaat kan geprogrammeer word om met verskillende sensors, soos ’n skaal of temperatuursensor, te kommunikeer, gereeld lesings te neem en die data in die geheue van die apparaat op te berg.”
Die oplossingstelsel wat Riaan bied, bestaan uit vier dele, naamlik ’n webwerf vir die tegniese span wat die installering doen, ’n webwerf vir die voermaatskappy of boer om die verwerkte data en inligting te kan sien, ’n dienstoepassing wat die elektriese apparaat oor die kuberruim heen laat kommunikeer en ’n elektriese toestel wat by die silo geplaas word om lesings te neem en te verwerk.
Die tegniese span sal die toestel buite ’n silo plaas en dit aan die skaal verbind. Die apparaat sal dan met die skaal kommunikeer, die gewig lees en dit na ’n webwerf stuur, wat die inligting in ’n databasis bêre en verwerk. Die kliënt kan die inligting via sy selfoon of rekenaar op ’n webwerf lees. Inligting is dadelik beskikbaar en altyd bygewerk, sê Riaan.
Die apparaat kan tans die gewig van droë stowwe, soos bestanddele in voermengsels en eersdaags die vloeitempo van vloeistowwe meet, of hoeveel van ’n vloeistof uit ’n tenk KORTOM
■ ’n Ingenieur van Durbanville skryf programme om die vermenging, hoeveelhede en aflewering van voer en voermengsels by voer- en skaalmaatskappye te monitor. ■ Die programme kommunikeer byvoorbeeld met ’n skaal in ’n silo, lees die gewig en stuur dit na ’n webwerf, wat die inligting in ’n databasis bêre en verwerk vir die gebruiker se gerief. ■ Die inligting is dadelik beskikbaar en
altyd bygewerk. getap word deur ’n sensor by die tenk se uit- of inlaatpyp te plaas.
In dié stadium is daar net een model wat geskik is vir silo’s wat op ’n weegskaal geplaas kan word. Megasilo’s wat uit sement gebou word om voer op te berg, gebruik tans ander tegnologie om gewig te lees. “Wat ons toestel uniek maak, is dat dit kragtig genoeg is om met ’n verskeidenheid sensors te kommunikeer. Indien die behoefte bestaan, kan