Suurlemoen-enklapperkoekies
Die suurlemoen maak hierdie koekie verfrissend en lig, maar dit is die tekstuur wat dit spesiaal maak. Die buitekant is soet en bros en die binnekant sag en klam.
125 g botter, by kamertemperatuur 200 g witsuiker 2 eiers Fyngerasperde skil van 2 suurlemoene 20 ml vars uitgedrukte suurlemoensap 1,5 ml geel voedselkleursel
NUUT OP DIE RAK
Voorverhit die oond tot 180 °C en voer ’n bakplaat met bakpapier uit. Klop die botter en witsuiker tot lig en romerig. Klits geleidelik die eiers, suurlemoenskil, suurlemoensap en geel voedselkleursel by. Sif die meel, bakpoeier en sout saam, voeg die klapper by en vou dit by die bottermengsel in. Rol opgehoopte eetlepels vol van die deeg in balletjies en rol dit in die gesifte versiersuiker. Sit die balletjies, sonder om dit plat te druk, 5 cm uit mekaar op die bakplaat. Bak 13-14 minute tot die bokante barsies kry en die koekies opgepof is. Laat koel die koekies sowat 3 minute op die bakplaat af en haal dit dan op ’n draadrak uit. Lewer 40 koekies. Lisa Clark is ’n bekende sjef en kosstilis wat in Kaapstad woon en werk. In haar 19 jaar in die kosbedryf en sy al vir verskeie tydskrifte, agente en kommersiële produsente resepontwikkeling en stilering gedoen. Haar splinternuwe boek,
is ’n versameling van 100 resepte vir koekies en beskuit wat werklik iets vir elkeen bied. Gesonde glutenvrye en ‘vegan’opsies word ingesluit, asook ’n paar southappies vir diegene met minder van ’n soettand. Dit is ’n boek wat elke bakker op haar kookboekrak moet hê – en ook almal wat die koekieblikke moet vol maak vir die lang somervakansie! word deur Struik uitgegee en kos R200.