Mnr. Christopher Sparks, voorsitter van die Lewendehawe Registrerende Federasie, skryf oor die sukses van die Vleisbeesskool wat by Aldam in die Vrystaat gehou word.
en ook die skep van ’n nuwe visie vir 2020 en daarna.
Met meer as 30 plaaslike en internasionale sprekers kan geen ander landbougeleentheid by dié omvangryke deelname deur bedryfsleiers kers vashou nie.
VERBRUIKERS
Besprekings sal belanghebbendes, soos internasionale kundiges, die Rooivleisprodusenteorganisasie, die voerkraalbedryf, die kleinhandel en produsente, insluit. Die vraag sal aan hulle gestel word: Wat wil die verbruiker hê en watter rol moet elke betrokkene in die waardeketting speel om aan daardie verwagtinge te voldoen?
Die veebedryf gaan deur ’n moeilike tyd en die tyd is nou ryp om nuwe beleggings in die bedryf te maak. Dit werp vrugte af. Vir elke $1 wat byvoorbeeld deur die Australiese veebedryf in navorsing oor vleisgehalte belê word, kry daardie beesboere $12,50 se waarde terug.
Ons borge sê hulle kry groot waarde uit hul deelname aan die Vleisbeesskool en dat hulle getuies van die groei en ontwikkeling van hul klante is. Die produsente beweeg nader aan die voerkraalbedryf en kleinhandelsektor. Elkeen is besig om die ander se probleme ál beter te verstaan en hulle werk saam om groter waarde vir die produk te bewerkstellig. Belanghebbendes beweeg uit hul “ivoortorings” en maak beter kontak met die mense op grondvlak.
DANK AAN BORGE
Ons sê dankie aan ons borge wat op groot skaal tot die sukses van die Vleisbeesskool bydra. Ons het ’n goeie verhouding met die hoofborg, Pick n Pay, wat al 14 jaar betrokke is. Hulle het oor die jare baie van ons besigheid geleer en ons van hul besigheid.
Nóg ’n belangrike borg is RCL Foods, wat in elke opsig ’n vennoot is. Unistel-laboratoriums, die voorste DNS-laboratorium in Suid-Afrika, is ook sedert die begin betrokke. BKB borg die Volledigheid van Prestasie-eerbewyse wat ál belangriker word. Ons dank ook aan Zoetis, die Land Bank, Sparta, Taltek en Rudd-produkte.
Ons verwelkom graag hierdie borge, die boere en ander belangstellendes by vanjaar se Vleisbeesskool.