PRODUKBESTUURDER

Vrugte: Ceres Ons vrugteboerdery by Ceres in die Wes-Kaap het ’n vakature beskikbaar vir ’n jong, dinamiese en kundige persoon wat ’n passie vir boerdery het en wat doelgerig en sistematies take kan uitvoer en suksesvol kan afhandel. Die suksesvolle kandidaat sal verantwoordelikheid aanvaar vir die optimale en doeltreffende bestuur, benutting en aanwending van alle hulpbronne in ‘n mediumgrootte vrugteboerdery in die Wes-Kaap. Die fokus van die pos is die verbouing van appels en pere, asook die optimalisering van produksieprosesse met die oog op verhoogde opbrengste en produktiwiteit. Die posbekleër sal ook verantwoordelik wees vir die uitvoering van en ondersteuning aan projekte; gehaltebeheer van uitsette; hantering van alle personeelaspekte en die instandhouding van vaste bates. Bewese kennis en ondervinding in die toepassing van arbeidswetgewing word vereis. Kandidate met ‘n toepaslike tersiêre kwalifikasie of beroepsgerigte opleiding sal voorkeur geniet. Dit is belangrik dat kandidate beskik oor uitstekende kommunikasie-vermoëns, asook onafhanklike probleemoplossings- en besluitnemingsvaardighede. Rekenaarvaardigheid en ondervinding van die gebruik van die Microsoft Office-pakket is noodsaaklik. ‘n Geldige rybewys is ‘n voorvereiste. Die maatskappy bied ‘n mededingende, markverwante vergoedingspakket aan, met behuising ingesluit. Die pos is beskikbaar in ‘n plattelandse omgewing en dus sal voorkeur gegee word aan kandidate wat verkies om op die platteland te woon en te werk. Belangstellendes, stuur asseblief u CV aan: werwing@zz2online.com of faks dit na 086 608 4824. Navrae kan gerig word aan Johan du Plessis by Sel 083 676 0390 of Hendrik Pohl by Sel 082 948 8558. Sluitingsdatum: 21 Oktober 2016.