Dié familie bied gehalte
Met tevrede kliënte en personeel wat in dié onderneming glo, is Ellaton Mining Supplies & Signs al dekades lank suksesvol.
Ellaton Mining Supplies & Signs is ’n familie-onderneming in Klerksdorp wat al 53 jaar bestaan. Hulle het uitgebrei van ’n vervaardiger van padtekens na ’n onderneming wat kan voorsien in die behoeftes van die slagter, sakeman, sportklub, boer en huisvrou.
Heinrich Raath, Henda Jordaan en Estelle Prinsloo, ’n broer en susters, het die maatskappy sedert 1989 stuk-stuk by hul pa, Rudi Raath, oorgeneem.
“Ons vervaardig van spesialiteitsligbokse vir maatskappye tot nommerplate vir troues en matriekafskeidgeleenthede en blok ook foto’s,” sê Henda.
“Die veiligheidstoerusting is bekende, betroubare handelsname, soos Javlin, Jonsson, Dromex, Frams, Hitec, Kalibre en Rebel. Hier is ook klere van Caterpillar, Sterling, Drimac, Barron en Altitude vir kliënte wat van die rak af wil koop.”
Kliënte bedank gereeld die personeel vir hul puik diens. Henda sê die personeel is ’n span om op trots te wees. Hulle gee om vir die onderneming en doen alles om suksesvol te wees. Dit maak ’n reuseverskil in die diens wat gelewer word. Die meeste personeellede is al langer as 15 jaar in diens en het dus ondervinding van onskatbare waarde in hul onderskeie afdelings.
“Hoewel almal moet bespaar, besef ons die waarde van tyd en goeie gehalte. Daarom probeer ons om net produkte te verkoop wat nie gereeld vervang hoef te word nie,” sê Henda.
Die eindverbruiker word dikwels so oorval met advertensies vir produkte met lae pryse dat hulle later uit die oog verloor hoeveel tyd dit kos om elke drie maande ’n hele onderneming of span se klere of skoene te vervang omdat die prys belangriker as die gehalte geag is.
“Ons produkte is nie altyd die goedkoopste nie, want ons verkoop nie goedere van ’n minderwaardige gehalte nie. Ons glo jy moenie onregverdig wins maak nie. Ons weet ons hoef nie teenoor ons kliënte skuldig te voel nie, want ons buit niemand uit met belaglike pryse nie.
“Aflewerings geskied weekliks na Potchefstroom, Carletonville, Fochville en die R30-roete tot in Welkom. Ons het ook ’n depot in Johannesburg wat die hele Gauteng bedien. 018 462 4462, safety@ellaton.co.za, sales1@ellaton.co.za, sales2@ellaton. co.za, signs@ellaton.co.za, graphix@ ellaton.co.za, liana@ellaton.co.za. www.ellaton.co.za.