PLANMET KLEURVARIANTE
Rakend die kwessie van die teling van kleurvariante by wild, het daar ’n idee by my opgekom. Ek dink nie dat ek slimmer is as die mense wat aangestel is om die besluite daaroor te neem nie; ek wil slegs ’n voorstel maak.
Suid-Afrika het al ongeveer die helfte van sy buitelandse jagters verloor. Die meeste van hulle wat nou in ander lande gaan jag, gaan jag in Namibië. As ek navorsing doen, is ’n deel van die rede vir die verskuiwing dat party mense meen Suid-Afrikaanse wildboere teel natuurfratse (kleurvariante), en jagters voel hulle wil dit nie ondersteun nie.
Die feit dat Suid-Afrika buitelandse jagters verloor het, het ’n groot uitwerking op die land se inkomste.
In die begin het kleurvariante teen baie hoë pryse verhandel, maar ná ’n paar jaar het dié neiging nou tot ’n einde gekom. Die belasting wat die Regering verdien het op die wins op die kleurvariante, was goeie inkomste vir die land. Met die pryse wat nou so afgeneem het, is daar baie minder geld wat na die Regering gaan.
As ons die buiteland kan gerusstel dat die natuurlike diere nie bedreig word deur die kleurvariante nie en as ons die kleurvariante se waarde weer kan laat styg, sal meer oorsese jagters Suid-Afrika besoek en sal die land dus meer geld verdien.
Dit is hier waar ek my voorstel wil inbring. Kom ons maak ’n verklaring dat daar binne drie jaar nie meer ’n manlike kleurvariantdier by ’n natuurlike vroulike diere (of selfs diere met gesplete gene) in ’n kamp mag loop as dit in private besit is nie. Ook nie in die kamp langsaan nie. Daar moet om veiligheidsredes ’n kamp tussen die twee kampe wees. Kleurvariante mag dan slegs met ander kleurvariante teel. Dit is byna dieselfde beginsel as by blesbokke en bontebokke.
(Ons moenie van kleurvariante probeer ontslae raak nie. Hulle is baie mooi en lok toeriste.)
Op dié manier gaan kleurvariante geen sogenaamde gevaar vir hul natuurlike familie inhou nie. Dit sal die buitelanders meer gerusstel. Die prys van kleurvariante sal ook onmiddelik styg omdat hulle nie meer so maklik geteel kan word deur die gebruik van gesplete geen- of normale diere nie. Dus sal kleurvariante “skaars” word.
Die gene van normale diere sal ook nie meer verswak word vanweë die teel van kleurvariante
SUKKEL JY OM
nie. (Die gemiddelde kleurvariant-ram en -bul se horingmates is sonder twyfel onder die gemiddelde van dié van ramme en bulle in normale kuddes. As jy dan ’n gemiddelde kleurvariant-ram of -bul gebruik om gesplete geen-diere te teel, is dié lammers of kalwers geneties swakker as wanneer hul pa ’n gemiddelde, normale dier sou wees. En as ’n volgende gemiddelde kleurvariant-ram of -bul by die gesplete geen-diere gesit word, is die aanwas geneties nóg swakker.)
Deur die stelsel in werking te stel dat slegs kleurvariant- vroulike diere by kleurvariant- manlike diere gesit mag word, behoort
TE KRY?
As jou gunsteling-tydskrif nie op ’n winkelrak naby jou beskikbaar is nie, wil ons dit graag regstel. Laat weet ons as jy nie Landbouweekblad opspoor nie by lbw@landbou.com of 021 406 2202. die volgende dus bereik te word: Meer buitelandse jagters sal Suid-Afrika besoek, wat tot meer inkomste vir die land sal lei. Meer wins sal op kleurvariante gemaak word, wat meer belastinginkomste vir die Regering sal beteken. Die gene van die diere sal veiliger wees. JANNES STRYDOM