GROEI| Baat by buitelandse beleggings
Suid-Afrikaanse landbou moet meer vroegtydig optree en beleggers na die sektor lok, pleks van te wag vir beleggers om self te kom aanklop.
Só sê mnr. André Schreuder, uitvoerende hoof van Villa Crop Protection. Die Amerikaanse onderneming Land O’Lakes het verlede jaar ’n aandeel van 52,5% in dié maatskappy gekoop.
Op ’n paneelbespreking oor belegging het hy gesê buitelandse beleggers kan Suid-Afrikaanse sakelui etlike voordele bied, soos finansiële spierkrag, bedryfskapitaal en kennisoordrag.
“Die landbou in Suid-Afrika sál en móét groei. As óns dit nie doen nie, gaan die Chinese kom en dit vir ons doen.”
Vir die Suid-Afrikaanse landbou om internasionaal te kan meeding, is die regte mense en nuwe denke nodig. Vir nuwe denke is tegnologie nodig, en vir tegnologie is belegging nodig, het Schreuder gesê.
“Die trekkerbestuurder van 2050 sal waarskynlik ’n jong, slim persoon wees wat agter ’n rekenaar sit.”
Mnr. Harry Prinsloo, voorsitter van Agri SA se kommersiële beleidskomitee, het gesê boere se jaarlikse besteding aan toerusting is meer as aan vaste verbeterings. Hy meen dit hou verband met tegnologie. Hy voorspel besteding daaraan gaan al hoe belangriker word. Ofskoon die landbou se bydrae tot die bruto binnelandse produk daal omdat die potensiaal vir produksie-uitbreiding in die primêre landbou beperk is, groei die sektor steeds danksy hoër produktiwiteit en tegnologiegebruik. swak dienslewering aan die kommersiële landbou in die verlede was nie weens onwilligheid om te help nie, maar weens onvermoë. Hy pleit dat alle formasies binne die georganiseerde landbou betrokke moet raak by die departement se beplanningsproses.
Hy het ook gesê baie van sy amptenare het nie die regte kwalifikasies nie. “Hoewel hulle gewillig is, is baie nie in staat om hul werk te doen nie. ’n Mens kan nie van ’n verpleegster verwag om die begroting vir die omvattende steunprogram vir landbou (CASP) te bestuur nie.”
Mlengana sê daar is baie uitvoergeleenthede vir kommersiële boere en hy moedig almal aan om dit te ondersoek. “Ons kommunikasie aan boere oor hierdie geleenthede is baie swak.”