Meer optimisme oor Swartland se koringoes
DIE gereelde reën in Augustus en September het gesaaides sodanig verbeter dat Swartlandse boere wat middel Oktober begin oes het, nou meer optimisties is oor vanjaar se graanoes.
Mnr. Teubes Mostert, wat by Koringberg boer, sê hy verwag bogemiddelde koringopbrengste en is opgewonde oor die gehalte van die monster wat hy voor die oes laat toets het. “Die proteïeninhoud is 12,5%, die hektolitermassa is 79,6 en die vog 11,6%.”
Mnr. Anton Mouton van die plaas Piekenierskloof, Eendekuil, het oor die dreun van sy stroper gesê die oes lyk “heel oraait”, danksy bietjiesbietjies reën wat hulle gereeld in Augustus en September gekry het.
Mnr. Francois Eksteen van die plaas Witvlei, Piketberg, sê die koring het “mooi gekom” en lyk goed. Hy sê daar was vanjaar baie probleme met bolwurm.
In die suide van die WesKaap, tussen Stanford en Caledon, het mnr. Piet Dreyer van die Rakaboerdery sy graan en kanola platgesny, maar nog nie geoes nie. Mnr. Leon Groenewald van die plaas Rietkuil by Rietpoel het ook nog net platgesny.
Op die Heidelbergvlakte is mnr. Andries Duminy van die plaas Somona reeds halfpad deur die oes. Koring en garsopbrengste lyk goed. “Die oes lyk wéér mooi. Heidelberg kan nie vanjaar kla nie.” Hy meen sy opbrengs sou hoër kon wees as hy swamdoder twee keer, pleks van een keer, gespuit het.
Teen 18 Oktober is sowat 17% van die verwagte kanolaoes Gars word gestroop op die plaas Nona Rosa op die Vlakte naby Heidelberg, wat tot dusver ‘n bogemiddelde oes gehad het. gelewer. Mnr. Franco le Roux, landboukundige hulpbronbestuurder by Southern Oil Bpk. (Soill) op Swellendam, sê opbrengste is in die algemeen bogemiddeld en die gehalte is goed.
–