Beste graanboere kry erkenning
Die finaliste van DuPont Pioneer Suid-Afrika se Weeg en Wenkompetisie is bekend. Dié graanopbrengskompetisie is geskoei op ’n soortgelyke projek, die geslaagde Amerikaanse Yield Competition.
Die Suid-Afrikaanse Weeg en Wen-kompetisie gee erkenning aan die land se voorste mielie- en sojaprodusente. In hierdie afdeling kyk Landbouweekblad na elke finalis se inskrywing en basiese boerderyomstandighede en -metodes.
Dit was die eerste keer dat die Weeg en Wen-kompetisie aangebied is vir alle graanboere in Suid-Afrika (ouer as 18 jaar) wat enige geregistreerde kultivar van enige saadmaatskappy aanplant.
“By DuPont Pioneer was ons doel nog altyd om gevorderde wetenskap en tegnologie na die wêreldmarkte te bring op maniere wat die meeste saak maak. Die opbrengskompetisie is nóg ’n voorbeeld daarvan. Dit bied aan boere ’n geleentheid om pret te hê, terwyl hulle nuwe produksiepraktyke toets, leer hoe om opbrengste te maksimaliseer en om idees uit te ruil,” sê mnr. Rikus Schoeman, bemarkingsbestuurder by DuPont Pioneer in Suid-Afrika.
“Boere het ’n unieke geleentheid om mee te ding, te netwerk en om van mekaar te leer.”
Die kategoriewenners en die algehele wenner word op 27 Oktober vanjaar tydens ’n geleentheid in Midrand aangekondig.
KATEGORIEË
Die kompetisie word aangebied met die samewerking van John Deere, Eerste Nasionale Bank, Syngenta, Senter 360, Sanlam en Santam. Landbouweekblad is die mediavennoot.
Tydens die beoordeling is twee bedrewe toesighouers tydens die oes- en inweegproses by die silo teenwoordig om die inskry- wingsdata te bevestig. Dit sluit in die gewig en voginhoud van die graan en die oppervlak wat gestroop is.
Deelnemende mielieboere het in vier kategorieë meegeding: Besproeiing (nasionaal); Droëland (wes); Droëland (watertafelgrond); en Droëland (oos). Sojaboere het in vier kategorieë ingeskryf: Besproeiing (nasionaal); Droëland oostelike Hoëveld (insluitend die Oos-Vrystaat); Droëland (KwaZulu-Natal); en Droëland (wes). In die konteks van ’n halfdorre klimaat is verwag dat die besproeiingskategorie vir mielies die felste mededinging gaan lok. Hierdie kategorie sal die voorste vyf plekke beloon, met al die Die inligting wat DuPont Pioneer gedurende hierdie kompetisie insamel, sal in die toekoms help om nuwe wenresepte vir hoër opbrengste te skep.
Dit is nóg ’n manier waarop die maatskappy met kwekers saamwerk om vordering in navorsingsinisiatiewe aan te vuur. Die doel is ook om die opbrengs per hektaar op plase te verbeter deur die regte produk op die regte hektaar aan te plant. Dit help ook om vernuwende bestuurspraktyke te identifiseer wat gebruik word om die hoogste mielie-opbrengste moontlik te behaal.
“Ons klante soek ’n vennoot wat net so vinnig as hulle beweeg om probleme in hul bedrywe die hoof te bied,” sê Rikus.
“Hierdie vennote moet met dieper insig dink en optree. Hul doeltreffende idees moet teen ’n vinnige pas nuwe waarde toevoeg op landerye, in stede, in voertuie en in winkels.
“DuPont Pioneer bied die beste saadteelmateriaal in Suid-Afrika, asook betroubare landboukundige advies om die regte produk op die regte hektaar te plant. Dit help boere om hul wins te maksimaliseer.” www.weegenwen.co.za info@weegenwen.co.za info@pioneer.com 012 683 5700.