SOJABONE – OOS
castle in KwaZulu-Natal. Hy boer al 21 jaar en bestuur ook ’n beesboerdery saam met die saaiboerdery.
Sy rywydtes was 45 cm. Hy het presisiegrondontledings gebruik en swamdoders gespuit. Kunsmis is met die planter toegedien tydens die plantaksie.
Die grond waarop Frikkie boer is Avalon en hy pas geenbewerking toe.
“Vir die kompetisie het ek Soyield se Y615F-kultivar gebruik. Dit is ’n Argentynse boontjie,” sê Frikkie. MNRE. DOLF EN THYS BAM is twee broers van Wegrow Farming Enterprises wat by Amersfoort in Mpumalanga boer. Thys boer al 29 jaar en Dolf 18 jaar.
Vir dié kompetisie het hulle DuPont Pioneer se sojaboonkultivar Pbh 96T06R gebruik, maar hulle gebruik ook saad van Pannar en Monsanto.
Hulle plant hoofsaaklik op Avalon- en Hutton- grond. Slegs 42 ha van hul lande is onder besproeiing.
Dolf en Thys het in die afgelope dekade minimumbewerking toegepas. Hulle rywydtes was 91 cm. Hulle het presisiegrondontledings gedoen en grondklaskaarte gebruik.
Aanvullende blaarbespuitings is gedoen en swamdoders is gespuit. Kunsmis is met die planter tydens die plantaksie toegedien.
“Ons glo dit is genade van Bo wat hoofsaaklik tot ons goeie oes bydra. Ons het ook ’n betreklik goeie reëntyd gehad.
“Ons pas bewaringspraktyke sowel as presisieregstelling van die grondstatus toe met behulp van Nviro Crop. Dit het alles daartoe bygedra dat ons ’n goeie oes kon lewer,” sê Dolf. MNR. PIETER VAN VUUREN boer by Holmdene digby Standerton, Mpumalanga, op die plaas Vlaklaagte. Hy boer al sewe jaar, maar was voorheen agt jaar lank ’n plaasbestuurder.
Altesame 70% van sy saad is van Monsanto en die ander 30% is van DuPont Pioneer. Hy het DuPont Pioneer se sojaboonkultivar Phb 94Y80R vir die kompetisie aangeplant. Hy plant hoofsaaklik op leemgrond met ’n kleipersentasie van 30.
Pieter plant op droëland en gebruik konvensionele bewerkingsmetodes. Sy rywydtes was 91 cm. Hy het presisiegrondontledings gedoen, aanvullende blaarspuitings toegepas en ook swamdoders gespuit.
Pieter het vooraf hoendermis in die grond ingewerk. Kunsmis is tydens die plantaksie met die planter toegedien en topbemesting is ook toegedien.
“Ek het vanjaar net op die regte tyd reën gekry, wat beslis ’n goeie bydrae tot my goeie oes gelewer het.
“Die pH-vlakke van my grond is reg opgebou en baie goed. Die saad en kunsmis wat ek gebruik, het natuurlik ook ’n rol gespeel en niemand kan sê ’n goeie spuitprogram sal nie ook in jou guns tel nie. Maar sonder reën sal geen van daardie faktore iets vir my beteken nie. Derhalwe is ek baie tevrede.”