MIELIES ONDER BESPROEIING

MNR. DB LUBBE van die Danrika-boerdery by Prieska boer al 12 jaar. Vir die kompetisie het hy saad van DuPont Pioneer gebruik. Hy het verskillende tipes grond, soos Oranjerivier-geelgrond, maar leemsand is oorheersend. Op sommige plekke is die grond wel ’n bietjie swaarder, sê hy. Die mielies is met bewaringsbewerking in koringreste geplant.

DB het ook NDVI- (normalised difference vegetation index) fotografie gebruik. Dié fotografie help landboukundiges om akkurater voorspellings te maak. NDVI-beelde kan gebruik word om die impak van grondvrugbaarheid op die gewas se groei te bepaal, inspeksiepunte vir monsterneming te verkry, besproeiingbestuur toe te pas en chemiese wisselinge op ’n eenhektaar-ruit te ontleed ten einde kalk- en kunsmisregstellings te maak en die grondchemie in balans te kry.

Hy het bemesting tydens die plantaksie, asook deur ’n spilpunt toegedien. Die rywydtes was 76 cm.

“Die grootste faktor wat die opbrengs beïnvloed het, is deurlopende genade van Bo.

“Dit is vir my baie belangrik dat ek probeer om elke stap in die produksieproses 110% reg te doen. Daarmee saam kan ek nie alleen op my eie kennis staatmaak nie. Ek kry kundiges op elke gebied vir hul aanbevelings en raad.”

MNR. ZIRK SCHEEPERS boer op die plaas Wonderkop by Cradock. Hy het vanjaar aan Cradock Saad se 20 ton-kompetisie deelgeneem en was die naaswenner met 20,46 t/ha. Hy boer al 24 jaar.

Vir die hoë-opbrengskompetisie het Zirk saad van Monsanto gebruik. Die grondtipe waarop hy boer, is kleileem. Die rywydtes was 76 cm. Vir bewerking gebruik hy ’n tand- en ’n skottelwerktuig.

Zirk het presisiegrondontledings gedoen, aanvullende blaarbespuitings toegepas en voerkraalmis voor planttyd uitgestrooi. Hy het ook bemesting toegedien met ’n planter tydens die plantaksie, topbemesting uitgestrooi en vloeibare kunsmis deur ’n spilpunt toegedien.

Hy het ook aanvangsbemes- ting, grondbiologiesemiddels, grondkondisioneringsmiddels en swamdoders gebruik.

“Ek het goeie advies en on- dersteuning van Cradock Saad ontvang, wat beslis bydra tot ’n goeie oes. Dan verg dit ook toewyding van jouself en ’n goeie dosis respek vir die natuurelemente. Laaste, maar beslis nie die minste nie, het ek baie genade van Bo ontvang,” sê Zirk. MNRE. JEAN EN KASSIE STEENKAMP boer saam tussen Christiana en Bloemhof in Noordwes op die plaas Lapland. Hulle boer al 22 jaar lank en gebruik saad van DuPont Pioneer. Hulle plant hoofsaaklik op sandgrond. Hulle pas skeurtandbewerking toe en die rywydtes was 76 cm. Hulle het presisiegrondontledings laat doen en aanvullende blaarbespuitings toegepas.

Bemesting is voor planttyd uitgestrooi en tydens die plantaksie met ’n planter